Ieithyddiaeth ac Ieithoedd Modern BA (Anrh) Israddedig - Mynediad: Medi 2025/26*

Bydd astudio ieithyddiaeth yn eich galluogi i ddysgu, deall a dehongli nifer o agweddau ar iaith ddynol. Ym Mangor, byddwch yn astudio 'gwyddor' iaith, gan gynnwys  y synau posibl a ddefnyddir mewn lleferydd a'u cyfuniadau (ffoneteg, ffonoleg), sut mae geiriau'n cael eu hadeiladu (morffoleg), beth sy'n gwahaniaethu brawddegau oddi wrth resi o eiriau (cystrawen), ystyr (semanteg a phragmateg), effaith cymdeithas, diwylliant a normau ar ddefnydd iaith (sosioieithyddiaeth) a sut mae ieithoedd yn newid dros amser. Byddwch hefyd yn astudio caffael a defnyddio iaith. Ar y radd gydanrhydedd hon byddwch hefyd yn datblygu sgiliau uwch mewn iaith fodern, ac yn dod i ddeall y diwylliant, y gymdeithas a'r hanes sy'n cyd-fynd â’r iaith honno.

Ieithyddiaeth yw astudio sut mae iaith yn gweithio a sut a pham caiff iaith ei defnyddio. Mae ieithyddion yn edrych ar sut mae pobl yn dysgu, deall a siarad iaith. Mae gan ieithyddiaeth elfen ddamcaniaethol a hefyd elfen gymhwysol - fel technoleg iaith, polisi iaith ac iaith mewn addysg. Byddwch hefyd yn cael cyfle i ddysgu am y ffyrdd y mae ieithoedd yn wahanol neu'n debyg o ran eu gramadeg, sut mae cymdeithas ac iaith yn mynd law yn llaw, a'r swyddogaethau a'r statws sydd gan wahanol ieithoedd ledled y byd.

Mae astudio un neu fwy o ieithoedd modern yn rhoi sgiliau ymarferol dysgu iaith i chi a hefyd yn caniatáu i chi ddysgu am agweddau diwylliannol, hanesyddol a chymdeithasol siaradwyr gwahanol ieithoedd ledled y byd. Yn ogystal â'r dysgu iaith sy'n digwydd yn yr ystafell ddosbarth, ceir llawer o gyfleoedd cyffrous i chi roi hwb i'ch sgiliau iaith a chynyddu eich ymwybyddiaeth ddiwylliannol trwy weithgareddau allgyrsiol.

Pam dewis Prifysgol Bangor ar gyfer y cwrs?

• Ieithyddiaeth: Ymysg y 10 uchaf am Foddhad Myfyrwyr (Complete University Guide 2019, 2020 & 2021).
• Rydym yn adran fywiog, hygyrch a chyfeillgar ac mae’r staff wedi ymrwymo i addysgu o ansawdd uchel, i gynnig profiad rhagorol i fyfyrwyr, cefnogaeth fugeiliol gref, ac i gyfuno ymchwil a phynciau blaengar cyfredol yn eich darlithoedd trwy gydol eich astudiaethau. Rydym hefyd yn ymroddedig i sicrhau bod ein myfyrwyr Ieithyddiaeth ac Ieithoedd Modern yn datblygu sgiliau rhagorol mewn meddwl yn feirniadol, dadansoddi data, cyflwyno ac ymchwil annibynnol i wella eu cyflogadwyedd ar ôl graddio.
• Mae’r staff addysgu’n ymchwilwyr gweithgar mewn amryw o feysydd damcaniaethol a chymhwysol sy'n ymwneud ag Ieithyddiaeth, yr Iaith Saesneg ac Ieithoedd Modern - mae gan lawer enw da’n rhyngwladol yn y maes.
• Cewch ddealltwriaeth gadarn a gwyddonol o strwythur a defnydd iaith, ei hanes, a’r berthynas rhwng iaith a chymdeithas.
• Mae gennym gyfleusterau dysgu o’r radd flaenaf gan gynnwys stiwdio sain / recordio o safon broffesiynol (ein labordy Lleferydd), labordy tracio llygaid, labordy potensial digwyddiad-berthynol (ERP) a chyfleuster adnoddau ieithyddiaeth corpws. Mae gennym hefyd offer sain a fideo at waith maes. Mae’r cyfleusterau hefyd yn cynnwys casgliad helaeth o lyfrau am Ieithyddiaeth ac Iaith Saesneg a llyfrgell iaith dan ofal cymdeithas y myfyrwyr israddedig - Cymdeithas Ieithyddiaeth Bangor.
• Yn eich trydedd flwyddyn byddwch yn cael cyfle i ehangu eich gorwelion drwy dreulio blwyddyn dramor.

Opsiynau Cwrs Ychwanegol

Caiff y cwrs hwn ei ddysgu trwy gyfuniad o ddarlithoedd, sesiynau tiwtorial a/neu seminarau, yn dibynnu ar y modiwl a'r lefel. Byddwch yn dewis 120 credyd o fodiwlau sy'n ymwneud ag Ieithyddiaeth a/neu Ieithoedd Modern bob blwyddyn. 

Yn Ieithyddiaeth, byddwch yn dechrau trwy ddysgu'r wybodaeth sylfaenol sy'n angenrheidiol i astudio yn y maes hwn yn y gwahanol is-ddisgyblaethau, ac yn symud ymlaen i astudiaeth lefel ganolradd fwy manwl cyn dewis pa feysydd i arbenigo ynddynt. Asesir modiwlau ar sail amrywiol fathau o waith cwrs, yn cynnwys traethodau, adroddiadau, cyflwyniadau llafar, profion, arholiadau, dadansoddiad data, ac ati.  

Yn Ieithoedd Modern , cewch 3-4 awr o ddosbarthiadau iaith bob wythnos i bob iaith ynghyd â dosbarthiadau yn y modiwlau eraill y byddwch wedi eu dewis. Mae’r hyfforddiant mewn grwpiau bychain gan fwyaf, ac nid oes llawer o ddarlithoedd ffurfiol. Ar y cyfan, mae'n debyg y bydd gennych oddeutu 10-12 awr o ddosbarthiadau bob wythnos. Cewch eich asesu trwy waith cwrs ac arholiadau ysgrifenedig a llafar. 

Byddwch hefyd yn ysgrifennu traethawd hir fel rhan o'ch gradd, mewn o leiaf un o'ch pynciau, a bydd aelod o staff academaidd yn eich goruchwylio.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Ieithyddiaeth ac Ieithoedd Modern BA (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com.

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i adran Astudio ym Mangor.  

Mae gradd Ieithyddiaeth ac Ieithoedd Modern yn darparu gwybodaeth ac arbenigedd yn y pynciau hyn. Byddwch hefyd yn datblygu sgiliau trosglwyddadwy pwysig y mae cyflogwyr amrywiol yn eu gwerthfawrogi. Mae'r rhain yn cynnwys darllen yn feirniadol a gwerthuso, ymchwil a sgiliau dadansoddi, sgiliau rheoli project, hyfedredd mewn dulliau cyflwyno amrywiol (ysgrifenedig, electronig a llafar), sgiliau datrys problemau, profiad o weithio'n annibynnol, rheoli amser a phrofiad o waith tîm, sgiliau technoleg gwybodaeth, a'r cyfle i ddatblygu cyfathrebu rhyngbersonol effeithiol.

Mae astudio Ieithoedd Modern yn agor y drws i amrywiaeth eang o yrfaoedd. Mae rhai graddedigion ieithoedd modern yn gweithio ym maes addysgu a chyfieithu. Ond mae graddedigion y math hwn o gwrs hefyd yn dechrau ar yrfaoedd llwyddiannus mewn amrywiaeth eang o feysydd – yn eu plith y gwasanaeth sifil, busnes a masnach, diwydiant a'r cyfryngau. Mae cyflogwyr o bob sector yn rhoi gwerth uchel ar y sgiliau a ddysgwch wrth astudio Ieithoedd Modern - ymwybyddiaeth ddiwylliannol, cyfathrebu, cywirdeb, cynllunio a dadansoddi rhesymegol.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan Undeb y Myfyrwyr.

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiynau ‘gyda Blwyddyn Sylfaen’ ar gael ar gyfer y cwrs hwn. Gwnewch gais am Ieithoedd Modern (gyda Blwyddyn Sylfaen) neu Iaith Saesneg a Llenyddiaeth Saesneg (gyda Blwyddyn Sylfaen).