Iaith Saesneg gydag Ysgrifennu Creadigol BA (Anrh) Israddedig - Mynediad: Medi 2025/26*

Mae'r cwrs Iaith Saesneg gydag Ysgrifennu Creadigol yn cynnig cyfle hynod ddiddorol i astudio cyfuniad o bynciau gwahanol ond cysylltiedig. Byddwch yn edrych ar sut mae'r Saesneg yn gweithio, pam a sut y caiff ei defnyddio, o ble y daeth, gan ddatblygu sgiliau ysgrifennu mewn sawl ffurf hefyd. Byddwch hefyd yn astudio strwythur iaith a sut y caiff ei defnyddio mewn cymdeithas ac yn astudio ysgrifennu creadigol mewn grwpiau bach neu mewn gweithdai dan arweiniad arbenigwyr ymchwil ac awduron cyhoeddedig.

Bydd cydran iaith Saesneg y radd hon yn rhoi’r cyfle i chi ddysgu am strwythur gramadegol y Saesneg (e.e., sut y caiff geiriau a brawddegau eu ffurfio), sut y caiff ystyr ei gwneud, ei dehongli a'i hymestyn dros ddisgyrsiau cyfan, sut y caiff seiniau eu ffurfio, eu cynhyrchu a'u deall, a sut mae defnydd iaith yn amrywio ymhlith siaradwyr a grwpiau a sut mae'n newid dros amser.  

Byddwch hefyd yn archwilio hanes y Saesneg, datblygiad ac ymddangosiad tafodieithoedd Saesneg a’r gwahanol fath o Saesneg a siaredir ledled y byd, sut mae'r Saesneg yn cael ei defnyddio mewn cymdeithas (e.e., sut mae newidynnau cymdeithasol-ddiwylliannol yn llunio'r defnydd o'r Saesneg) a lle’r Saesneg mewn cymdeithas, mewn addysg ac fel lingua franca fyd-eang.

Byddwch hefyd yn datblygu fel awdur creadigol trwy ddysgu am ysgrifennu mewn gwahanol genres, arddulliau a moddau. Byddwch yn cael cyfle i rannu a thrafod eich gwaith eich hun gydag eraill, yn staff ac yn fyfyrwyr, a datblygu fel rhan o gymuned groesawgar awduron y brifysgol. Mae yna hefyd faes diwylliannol bywiog yn y brifysgol a thu hwnt, gyda chymdeithasau llenyddol a grwpiau i chi ymuno â hwy yn ogystal â ffyrdd i rannu eich gwaith creadigol gyda chynulleidfa ehangach.

Pam dewis Prifysgol Bangor ar gyfer y cwrs?

• Rydym yn adran fywiog, hygyrch a chyfeillgar ac mae’r staff wedi ymrwymo i addysgu o ansawdd uchel, i gynnig profiad rhagorol i fyfyrwyr, cefnogaeth fugeiliol gref, ac i gyfuno ymchwil a phynciau blaengar cyfredol yn eich darlithoedd trwy gydol eich astudiaethau.  Rydym hefyd yn ymroddedig i sicrhau bod y myfyrwyr Iaith Saesneg ac Ysgrifennu Creadigol yn datblygu sgiliau rhagorol mewn meddwl yn feirniadol, dadansoddi data, cyflwyno ac ymchwil annibynnol i wella eu cyflogadwyedd ar ôl graddio.
• Byddwch yn cael dealltwriaeth gadarn o strwythur a defnydd iaith ac yn datblygu eich sgiliau creadigol wrth ymarfer ysgrifennu mewn sawl ffurf.
• Mae’r staff addysgu’n ymchwilwyr gweithgar mewn amryw o feysydd damcaniaethol a chymhwysol sy'n ymwneud ag Iaith Saesneg, Ieithyddiaeth ac Ieithyddiaeth Gymhwysol - mae gan lawer enw da’n rhyngwladol yn y maes.
• Mae gennym gyfleusterau dysgu o’r radd flaenaf gan gynnwys stiwdio sain/recordio o safon broffesiynol (ein labordy Lleferydd), labordy tracio llygaid, a labordy potensial digwyddiad-berthynol (ERP) a chyfleuster adnoddau ieithyddiaeth corpws. Mae gennym hefyd offer sain a fideo at waith maes. Mae’r cyfleusterau hefyd yn cynnwys casgliad helaeth o lyfrau am Ieithyddiaeth ac Iaith Saesneg a llyfrgell iaith dan ofal cymdeithas y myfyrwyr israddedig - Cymdeithas Ieithyddiaeth Bangor (BLS).
• Maes celfyddydau a diwylliant lleol bywiog. Theatrau lleol, grwpiau barddoniaeth a chymdeithasau myfyrwyr - mae yna lawer o gyfleoedd i chi gymryd rhan.

Opsiynau Cwrs Ychwanegol

Caiff y cwrs hwn ei ddysgu trwy gyfuniad o ddarlithoedd, sesiynau tiwtorial a/neu seminarau, yn dibynnu ar y modiwl, y lefel a’r pwnc. Byddwch yn dewis 120 credyd o fodiwlau bob blwyddyn yn ymwneud ag Iaith Saesneg ac Ysgrifennu Creadigol  80 credyd mewn Iaith Saesneg a 40 credyd mewn Ysgrifennu Creadigol). 

Gyda’r cwrs Iaith Saesneg byddwch yn dechrau trwy ddysgu'r wybodaeth a'r sgiliau sylfaenol sy'n ofynnol i astudio yn y meysydd hyn, cyn gallu dewis yn ddiweddarach y meysydd, cyfnodau a/neu ddisgyblaethau yr hoffech arbenigo ynddynt. Asesir modiwlau ar sail gwahanol fathau o waith cwrs, yn cynnwys traethodau, adroddiadau, cyflwyniadau llafar, profion, arholiadau, dadansoddiad data, ac ati. Byddwch yn ysgrifennu traethawd hir yn eich blwyddyn olaf, sef project ymchwil gwreiddiol dan oruchwyliaeth aelod o staff academaidd sy’n weithgar ym maes ymchwil. 

Yn y cwrs Ysgrifennu Creadigol, cewch eich dysgu’n bennaf trwy ddosbarthiadau grŵp rhyngweithiol. Bydd rhan gychwynnol eich cwrs yn eich cyflwyno i agweddau sylfaenol ar ysgrifennu creadigol, megis sut i greu gweithiau barddoniaeth a rhyddiaith, ac yn ddiweddarach byddwch yn gallu archwilio ysgrifennu mewn gwahanol genres, a byddwch yn cael cyfle i ystyried swyddogaeth gymdeithasol a  diwylliannol yr awdur, edrych ar ysgrifennu creadigol yn ei gyd-destun cymunedol, cyferbynnu ysgrifennu creadigol rhwng gwahanol ddiwylliannau, ac ati.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Iaith Saesneg gydag Ysgrifennu Creadigol BA (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com.

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i adran Astudio ym Mangor.  

Mae gradd Iaith Saesneg ac Ysgrifennu Creadigol yn darparu gwybodaeth ac arbenigedd yn y pwnc. Byddwch hefyd yn datblygu sgiliau trosglwyddadwy pwysig y mae cyflogwyr amrywiol yn eu gwerthfawrogi. Mae'r rhain yn cynnwys darllen yn feirniadol a gwerthuso, ymchwil a sgiliau dadansoddi, sgiliau rheoli project, hyfedredd mewn dulliau cyflwyno amrywiol (ysgrifenedig, electronig a llafar), sgiliau datrys problemau, profiad o weithio'n annibynnol, rheoli amser a phrofiad o waith tîm, sgiliau technoleg gwybodaeth, a'r cyfle i ddatblygu cyfathrebu rhyngbersonol effeithiol.

Mae graddedigion Ieithyddiaeth ac Ysgrifennu Creadigol yn dysgu amrywiaeth eang o sgiliau sy'n berthnasol i amrywiaeth o swyddi, megis yn y cyfryngau, addysg, hysbysebu, cyfieithu, dehongli, cyhoeddi, a'r gwasanaeth sifil, ac ati. Mewn rhai achosion bydd angen hyfforddiant a chymwysterau pellach yn ychwanegol at yr hyn y mae'r cwrs yn ei ddarparu. Mae gyrfa ymchwil hefyd yn bosibilrwydd, ac astudiaethau ôl-radd hefyd.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan Undeb y Myfyrwyr.

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiynau 'gyda Blwyddyn Sylfaen' ar gael ar gyfer y cwrs hwn. Gwnewch gais am Iaith Saesneg a Llenyddiaeth Saesneg (gyda Blwyddyn Sylfaen).