Cerddoriaeth ac Ysgrifennu Creadigol BA (Anrh) Israddedig - Mynediad: Medi 2025/26*

Mae’r cwrs hwn yn cynnig cyfuniad perffaith o ddisgyblaethau creadigol. Byddwch yn astudio ymarfer creadigol ysgrifennu mewn sawl ffurf, ac yn dilyn astudiaethau cerdd mewn perfformio, cyfansoddi a cherddoleg. Byddwch yn ystyried testunau fel darllenydd ac fel ysgrifennwr, a byddwch yn ymgysylltu â cherddoriaeth fel gwrandäwr, perfformiwr a chyfansoddwr. Bydd y cysylltiadau clos sydd gennym â theatrau lleol, grwpiau barddoniaeth a chymdeithasau myfyrwyr bywiog yn rhoi digon o gyfleoedd i chi gymryd rhan yn y celfyddydau a diwylliant, yn rhan o gymuned gerddorol, yn perfformio neu'n mwynhau perfformiadau mewn mannau cyhoeddus.

Mae Cerddoriaeth ac Ysgrifennu Creadigol yn cynnig cyfuniad perffaith o ddisgyblaethau creadigol. Byddwch yn dilyn astudiaethau cerddorol mewn perfformio, cyfansoddi a cherddoleg, a byddwch yn astudio ymarfer creadigol ysgrifennu mewn amryw o ffurfiau. Byddwch yn ystyried testunau fel darllenydd ac fel ysgrifennwr, a byddwch yn ymwneud â cherddoriaeth fel gwrandäwr, perfformiwr a chyfansoddwr. Bydd y cysylltiadau clos sydd gennym â theatrau lleol, grwpiau barddoniaeth a chymdeithasau myfyrwyr bywiog yn rhoi cyfleoedd i chi gymryd rhan yn y celfyddydau a diwylliant, a bod yn rhan o gymuned gerddorol ffyniannus.

Mae Astudio Cerddoriaeth yn gyfle creadigol i dyfu fel cerddor, a hynny o dan arweiniad cyfansoddwyr, arweinwyr, cerddolegwyr ac ymchwilwyr byd-enwog. Byddwch yn perfformio neu'n mynychu perfformiadau mewn mannau cyhoeddus fel Pontio neu Neuadd odidog Prichard Jones. Mewn Ysgrifennu Creadigol byddwch yn dilyn nifer o lwybrau disgyblaethol: hyfforddiant ar ddefnyddio technegau a ffurfiau ysgrifennu creadigol; astudio'r stori fer, y nofel a barddoniaeth fel ffurfiau llenyddol; modiwlau galwedigaethol mewn newyddiaduraeth, ysgrifennu i’r sgrin, ysgrifennu sgriptiau, adrodd straeon, ysgrifennu genre, ysgrifennu ar gyfer perfformio a chyhoeddi, ac ysgrifennu i’r cyfryngau ar-lein a chyfryngau digidol eraill. 

Bydd eich profiad cerddorol yn ymestyn y tu hwnt i'r ddarlithfa a bydd cyfleoedd i ymuno â Cherddorfa Symffoni’r Brifysgol, Côr Siambr ac amryw o gymdeithasau cerddorol eraill y myfyrwyr, megis Opera, Band Cyngerdd, Troelli Recordiau, Theatr Gerdd a Cherddorfa Linynnol.  Cewch fanteisio hefyd ar y cysylltiadau rhagorol sydd gan Fangor â sefydliadau sy’n flaenllaw yn y Deyrnas Unedig gan gynnwys Cerddorfa Genedlaethol Cymru'r BBC, y mae gennym weithdy cyfansoddi blynyddol gyda nhw.

Bydd y cwrs yn rhoi sylfaen gadarn i chi yn y sgiliau beirniadol ac ymarferol a’r sgiliau ysgrifennu a cherddorol y bydd eu hangen arnoch i ddilyn gyrfa fel awdur, mewn cerddoriaeth ac amrywiol yrfaoedd eraill.

Pam dewis Prifysgol Bangor ar gyfer y cwrs?

• Cysylltiadau clos â Chanolfan Gelfyddydau Pontio, theatrau lleol, grwpiau barddoniaeth a chymdeithasau myfyrwyr bywiog - gan gynnwys Cymdeithas Ddrama Saesneg Bangor (BEDS).
• Cymuned ddeinamig o ran creu cerddoriaeth: corau, cerddorfeydd, bandiau, ensembles y myfyrwyr a Chymdeithas Gerdd Prifysgol Bangor.

Opsiynau Cwrs Ychwanegol

Mae rhaglen gradd Cerddoriaeth ac Ysgrifennu Creadigol Bangor yn hyblyg - byddwch chi'n siapio'ch cwrs gradd yn ôl eich diddordebau a'ch cryfderau. Dysgir ein cyrsiau gan staff sydd wedi ymrwymo i'ch helpu chi ddatblygu gwybodaeth bwnc-benodol, a'r rhyddid i chi ddarganfod ac archwilio'ch diddordebau eich hun. Cewch eich dysgu’n bennaf mewn seminarau a gweithdai o grwpiau bach. Yn ogystal, byddwch yn treulio amser ar ddarllen cefndirol, gwrando ar gerddoriaeth, cwblhau traethodau a gwaith cwrs yn ogystal ag ymarfer a pherfformio mewn ensembles, corau a cherddorfeydd. Bydd sawl modiwl yn cynnwys teithiau maes, er enghraifft i theatrau, cyngherddau, stiwdios recordio a gweithdai cyfansoddi neu gyfleoedd i gwrdd ag awduron sydd ar ymweliad a’u cyfweld hwythau.

Byddwch yn dechrau astudio Cerddoriaeth yn ei holl agweddau, trwy theori ac ymarfer cerddorol gan gynnwys polyffoni moddol a chyfansoddi electroacwstig. Byddwch yn defnyddio'r fframwaith eang hwnnw’n fan cychwyn i ddatblygu eich arbenigedd eich hun mewn un o nifer o feysydd megis cerddoleg, perfformio neu gyfansoddi, gan gynnwys cerddoriaeth yr 20fed ganrif, perfformio clasurol, cerddoriaeth ym maes iechyd a lles, a phob arddull gyfansoddi. Mae gennych yr opsiwn o ddewis Perfformio Unigol, a ddysgir trwy gyfuniad arloesol o hyfforddiant unigol, gweithdai a dosbarthiadau meistr.

Mae astudio ysgrifennu ym Mangor yn cynnig cymysgedd o dasgau ymarferol a dadansoddol, a seminarau a gweithdai a chyflwyniadau gan awduron sydd ar ymweliad i’w hategu. Cewch eich asesu yn ôl yr allbwn ymarferol a'ch gallu chithau i adfyfyrio'n feirniadol ynghylch eich ymarfer.   Byddwch yn dysgu sgiliau gwaith grŵp a'r gallu i gyflawni darn o waith o'r cysyniad cychwynnol hyd at yr allbwn proffesiynol. Cewch gyfle i weithio gyda staff amrywiol eu diddordebau a’u harbenigedd gan gynnwys barddoniaeth, y nofel, y stori fer, gwneud rhaglenni dogfen a ffilmiau, cyfathrebu digidol, e-gyhoeddi, gemau cyfrifiadurol, sgriptio ac ysgrifennu i’r sgrin, a newyddiaduraeth brint a darlledu.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Cerddoriaeth ac Ysgrifennu Creadigol BA (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com.

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i adran Astudio ym Mangor.  

Mae rhagolygon gwaith ein graddedigion yn rhagorol, ac mae dewis amrywiol iawn o ran gyrfaoedd. Mae ein graddedigion yn gweithio mewn amryw o rolau, gan gynnwys perfformio cerddoriaeth, cyfansoddi, gwaith yn y cyfryngau a chwmnïau recordio, ysgrifennu creadigol, ysgrifennu proffesiynol a chyhoeddi. Mae llawer o raddedigion yn dewis mynd yn athrawon ar bob lefel addysgol. Mae eraill yn dewis swyddi gweinyddol gyda cherddorfeydd, cwmnïau theatr, tai opera neu ganolfannau celfyddydol. 

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan Undeb y Myfyrwyr.

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn ‘gyda Blwyddyn Sylfaen’ ar gael ar gyfer y cwrs hwn. Gwnewch gais am Cerddoriaeth (gyda Blwyddyn Sylfaen) neu Iaith Saesneg a Llenyddiaeth Saesneg (gyda Blwyddyn Sylfaen).