Llongyfarchiadau mawr ar gael eich derbyn i Brifysgol Bangor. Rydych ar fin ymuno â chymuned fywiog a chyfeillgar, ac rydym yn siŵr y byddwch yn mwynhau ac yn manteisio i'r eithaf ar y cyfleoedd di-ri a fydd ar gael i chi. Gobeithio eich bod yn edrych ymlaen yn eiddgar at gychwyn eich taith gyda ni.
Gwybodaeth arall a allai fod o ddiddordeb i chi:
Croeso gan Undeb Bangor
Undeb Bangor yw enw undeb y myfyrwyr - enw uniaith Gymraeg gan ein bod yn falch iawn o'n gwreiddiau Cymreig.
Y pwyslais ar gyfer yr Wythnos Groeso yw eich helpu i gael eich traed danoch: gan roi digon o gyfle i chi gwrdd â phobl a chymryd rhan gydag Undeb Bangor.
Cofrestru a Dewis Modiwlau
Rhaid i chi gofrestru gyda'r Brifysgol ar-lein cyn i chi gyrraedd, a chael eich manylion wedi eu gwirio pan fyddwch yn cyrraedd.
Yma fe welwch yr wybodaeth sydd ei hangen arnoch am gofrestru a hefyd am ddewis eich modiwlau.