Wythnos Groeso: Ysgol Feddygol Gogledd Cymru

Mae'r wybodaeth a ddarperir yma yn ymwneud â myfyrwyr sydd wedi cofrestru ar y rhaglenni israddedig canlynol yn unig:

Gwyddoniaeth Biofeddygol (gyda a heb flwyddyn sylfaen)
Gwyddorau Meddygol (gyda a heb flwyddyn sylfaen)
Ffarmacoleg (gyda a heb flwyddyn sylfaen)

Dylai pob myfyriwr fod wedi derbyn y canllaw croeso trwy eu cyfeiriadau e-bost personol. Os ydych chi'n cael trafferth cyrchu'r canllaw trwy e-bost, mae hefyd ar gael trwy'r ddolen ar y dudalen hon.

Mae'n hollbwysig cyfeirio at eich canllaw croeso a chwblhau'r holl dasgau cyn cyrraedd cyn i chi ddod ar y campws.

Mae’r Wythnos Groeso fywiog hon yn llawn amrywiaeth o weithgareddau a digwyddiadau sydd wedi’u cynllunio i’ch helpu i ymgartrefu yn y brifysgol, gwneud ffrindiau newydd, ac ymgyfarwyddo â’r campws. Yn ystod yr wythnos hon, bydd yr ysgol yn cynnal digwyddiadau gorfodol sy'n benodol i'ch rhaglen. Mae'r digwyddiadau hyn wedi'u cynllunio i roi gwybodaeth hanfodol i chi, eich cyflwyno i aelodau'r gyfadran a chyfoedion, a rhoi dealltwriaeth ddyfnach i chi o'ch taith academaidd.

Byddwch yn ymwybodol bod yr amserlen yn debygol o newid ar fyr rybudd ac felly dylid eu gwirio'n rheolaidd am y wybodaeth diweddaraf.

Côd lliw eich amserlen

I wneud pethau'n haws, rydym wedi creu côd lliw ar gyfer y digwyddiadau:

Digwyddiad Gorfodol. Mae pob digwyddiad sydd efo'r bloc coch hwn yn orfodol.

Mae Digwyddiadau Gorfodol (bloc coch) yn cynnwys gwybodaeth a gweithdrefnau hanfodol y bydd eu hangen arnoch i lywio eich taith academaidd.

Bloc Melyn. Mae pob digwyddiad sydd wedi ei nodi gyda'r bloc melyn wedi ei argymell i chi ei fynychu

Mae Digwyddiadau a Argymhellir (bloc melyn) yn cynnig cyfleoedd i gwrdd â chyd-fyfyrwyr a staff y Brifysgol, neu i gael gwybodaeth a chymorth ychwanegol ar wella eich profiad myfyriwr.

Mae Digwyddiadau Cymdeithasol (gyda llun) yn ffordd berffaith o wneud ffrindiau, darganfod angerdd newydd, a chreu atgofion yn ystod eich wythnos gyntaf yn y Brifysgol.