Clinigau Diagnosis Cyflym: Llwybr manwl ar gyfer asesu symptomau amwys a greddf y meddyg teulu

Rydym yn falch o wahodd cydweithwyr a gweithwyr gofal iechyd proffesiynol i noson hwyliog o CPD wyneb yn wyneb a fydd yn canolbwyntio ar Glinigau Diagnosis Cyflym (RDCs) – model cydweithredol sy’n cynnig llwybr strwythuredig ar gyfer asesu symptomau amwys neu anghyffredin, sy'n aml yn seiliedig ar reddf y meddyg teulu.

Mae’r digwyddiad hwn yn cael ei gyflwyno mewn cydweithrediad rhwng Ysgol Feddygol Gogledd Cymru, Prifysgol Bangor ac Ysbyty Glan Clwyd, Bwrdd Iechyd Prifysgol Betsi Cadwaladr (BIPBC). Bydd y noson yn canolbwyntio ar y model o wasanaeth yr RDC a bydd yn cynnwys trafodaeth o achosion sy'n cael eu cyfeirio i'r clinig. 

Sefydlwyd Clinigau Diagnosis Cyflym i ddarparu llwybr atgyfeirio ac asesu ar gyfer cleifion lle mae amheuaeth glinigol o batholeg ddifrifol (yn enwedig, ond nid yn unig, mewn perthynas a chanser), ond lle nad oes llwybr atgyfeirio clinigol sefydledig ar gael.

Mae’r clinigau hyn wedi’u sefydlu ledled BIPBC, ac fe’u rheolir ar y cyd gan feddygon teulu a meddygon gofal eilaidd. Maent eisoes wedi profi eu gwerth ac yn darparu mynediad uniongyrchol at ddiagnosteg glinigol a barn arbenigol i dimau gofal sylfaenol ar draws y rhanbarth.

Anogir mynychwyr i ofyn cwestiynau ac edrychwn ymlaen at ddarparu mewnwelediad unigryw i waith y tîm amlddisgyblaethol (MDT) sy’n sail i’r clinigau RDC. Caiff y digwyddiad ei gyflwyno gan dîm amlddisgyblaethol (MDT) o weithwyr proffesiynol profiadol - byddant yn rhannu mewnwelediad uniongyrchol i'r gwasanaeth a ddarperir, y llwybrau clinigol, ac effaith ymarferol model y clinigau RDC yng Ngogledd Cymru.