Fy ngwlad:
Fy ngwlad:

Chwilio

Cau
Woman looks to the right with mountain backdrop

Tropical Forests and Climate Change: Why any solution to climate change must include tropical forest conservation and why it is so difficult to achieve Darlith gyhoeddus ar-lein gan Julia P. G. Jones Athro Gwyddor Cadwraeth, Prifysgol Bangor Cyflwynir ar y cyd gyda Chymdeithas y Cenhedloedd Unedig, Cangen Menai.

 Bydd Julia P. G. Jones, Athro Gwyddor Cadwraeth yn yr Ysgol Gwyddorau Naturiol, yn rhoi darlith gyhoeddus ar-lein Ddydd Mercher, 24 Mawrth am 5pm, dan arweiniad yr Is-Ganghellor, yr Athro Iwan Davies.

  

Rhaid i unrhyw ateb i newid yn yr hinsawdd gynnwys coedwigoedd trofannol.  Mae datgoedwigo yn gollwng carbon i'r atmosffer, ond mae adfer coedwigoedd yn gallu amsugno carbon sylweddol.  Yn ddiweddarach eleni, bydd Glasgow yn cynnal y 26th Conference of the Parties of the United Nations Framework Convention on Climate Change (COP26).  Mae llywodraeth y Deyrnas Unedig wedi addo gwneud 'atebion ar sail natur' yn ganolog i’r gynhadledd hon.  Mae'r rhain yn cynnwys polisi'r Cenhedloedd Unedig o'r enw REDD+ (Reducing Emissions from Deforestation and forest Degradation).  Mae REDD+ yn ymddangos fel syniad syml (mae gwledydd tlotach gyda choedwigoedd trofannol yn cael cyllid i leihau’r datgoedwigo sy’n digwydd yn eu gwledydd) ond mae wedi bod yn ddadleuol iawn.  Gan ddefnyddio ei 20 mlynedd o brofiad yn gwneud ymchwil gymhwysol yng nghoedwigoedd glaw dwyreiniol Madagascar, bydd yr Athro Jones yn edrych ar y problemau gyda REDD+ ac yn trafod pam mae’n bwysig bod y materion hyn yn cael sylw.

Mae'r Athro Julia P. G. Jones yn wyddonydd cadwraeth sydd â diddordeb yn effeithiau ymyriadau cadwraeth (yn cynnwys taliadau am wasanaethau ecosystem, rheoli coedwigoedd cymunedol, ardaloedd gwarchodedig a gwrthbwyso bioamrywiaeth).  Mae'n canolbwyntio'n neilltuol ar elfennau cymdeithasol cadwraeth, ac mae wrth ei bodd yn gweithio gyda phobl a dulliau o amrywiol ddisgyblaethau.  Hi yw arweinydd y project Forest4Climate&People, sy'n ceisio sicrhau bod rhaglenni carbon coedwig yn fwy effeithiol ac yn osgoi effeithiau negyddol ar bobl dlawd (http://forest4climateandpeople.bangor.ac.uk/).  Mae hi wedi cymryd swydd Cyfarwyddwr Rhwydwaith Ymchwil Cenedlaethol Sêr Cymru i Ynni Carbon Isel a'r Amgylchedd yn ddiweddar.  Yn 2020, ymddangosodd yn rhaglen ddogfen y BBC 'Extinction: The Facts’, a gyflwynwyd gan Syr David Attenborough.  

Mae'r ddarlith yn rhad ac am ddim ac yn agored i bawb.  Caiff y gynulleidfa gyfle i ofyn cwestiynau.  Trefnir y digwyddiad ar y cyd gan Brifysgol Bangor a Changen Menai Cymdeithas y Cenhedloedd Unedig.  

Am ragor o wybodaeth, cysylltwch â public.lectures@bangor.ac.uk.