Ysgol Feddygol Gogledd Cymru – Digwyddiad Contractwyr

Bydd yr Ysgol Feddygol yn darparu oddeutu 1932m2 o fannau addysgu meddygol a adnewyddwyd. Mae'r gwaith arfaethedig (yr adeiladwaith) yn cynnwys ffenestri a phrif ddrws mynediad newydd, atgyweiriadau â llechi lleol, llenfuriau ac arwyddion allanol. Hefyd, bydd y gwaith (y ffitiadau) yn cynnwys adnewyddu’r toiledau, y mannau addysgu, darlithio, tiwtorialau a’r llefydd ategol ar y llawr gwaelod a'r llawr cyntaf.

Nod y project yw creu canolbwynt newydd i’r Ysgol Feddygol yn Adeilad Deiniol er mwyn gwella:

• Yr addysgu a’r dysgu rhyngddisgyblaethol ledled y rhaglenni meddygol a gwella addysg ryngbroffesiynol trwy greu amgylchedd mwy cydweithredol.
• Creu project arloesol a fydd yn cyfoethogi ac yn cefnogi profiad addysgu a dysgu’r myfyrwyr.
• Llesiant y defnyddwyr trwy addasu’r adeilad presennol i greu amgylchedd gwaith ysgogol, deniadol a chefnogol.
• Cynaliadwyedd a pherfformiad yr adeilad i fodloni'r amgylchiadau mewnol angenrheidiol sy’n ymwneud â chysur.
• Cynorthwyo Prifysgol Bangor i gyrraedd y targedau o ran lleihau carbon a gwaith gwella cynaliadwyedd.

Digwyddiad Contractwyr

Hoffai Prifysgol Bangor, yr Ysgol Feddygol Gogledd Cymru a phartneriaid y project wahodd contractwyr â diddordeb i ymweld â’r safle ar Ffordd Deiniol, Bangor i drafod y cynlluniau a gofynion y broses dendro.

Bydd yn ofynnol i gontractwyr ystyried opsiynau lleihau carbon a bioamrywiaeth fel rhan o’u cyflwyniadau tendro, yn ogystal â chael cais i gynnig cyfraniadau gwerth cymdeithasol i’r project drwy fframwaith Themâu, Canlyniadau a Mesurau. Bydd y digwyddiad hwn yn gyfle i drafod y gofynion hyn. 

Os hoffech ddod i’r Digwyddiad Contractwyr, llenwch y ffurflen ar-lein a’i dychwelyd at Olivia Cahill, Gweinyddwr Caffael cyn 30 Awst 2024. Dim ond i ganfod nifer tebygol y cwmnïau fydd yn dod y defnyddir y wybodaeth hon.

Amserlen Caffael

Mae'r amserlen gaffael fras ar gyfer y gwaith adnewyddu wedi'i chynnwys isod.

Gweler Hysbysiad Gwybodaeth Blaenorol am fanylion pellach.