Bydd Prifysgol Bangor yn cynnal eu Diwrnod Cymunedol cyntaf erioed yn yr hydref, ar ddydd Sadwrn 14 Hydref rhwng 11am a 3pm.
Bydd yn ddigwyddiad hwyliog i'r holl deulu gyda'r gweithgareddau am ddim, a gobeithio y bydd posib i chi ymuno â ni!
Dyma gyfle i’r Brifysgol agor ei drysau i’r gymuned leol, gan arddangos sut mae Prifysgol Bangor yn cyfrannu at fywyd cymdeithasol, economaidd, amgylcheddol a diwylliannol gogledd Cymru a thu hwnt trwy ystod o weithgareddau, o ymchwil ac addysgu i gyfleusterau hamddena a pherfformiadau byw.
Bydd y mwyafrif o’r gweithgareddau yn digwydd o gwmpas Neuadd Prichard-Jones a Neuadd Powis ym Mhrif Adeilad y Brifysgol, a Chanolfan Celfyddydau ac Arloesi Pontio.
Digwyddiad am ddim. Cofrestrwch ar Eventbrite er mwyn sicrhau eich tocyn a derbyn yr wybodaeth ddiweddaraf
Mwy o fanylion i ddilyn dros yr wythnosau nesaf!
[00:09]
Pwrpas y Diwrnod Cymunedol oedd croesawu pawb i'r Brifysgol
[00:14]
a rhannu efo nhw ystod y gwaith sydd yn mynd ymlaen yma.
[00:17]
Mae'n bosib bod pobl yn ymwybodol o'r adeilad, ond ddim wir yn gwybod be sydd yn digwydd tu ôl i'r drysau.
[00:25]
Felly mae'n gyfle iddyn new gael busnesu o gwmpas yr adeilad,
[00:28]
cyfarfod staff, staff gyfarfod bobl, a mwynhau diwrnod o weithgareddau amrywiol i'r teulu i gyd.
[00:41]
'Da ni'n gobeithio fydd pobl yn gweld ystod y gwaith sy'n mynd ymlaen yma,
[00:44]
a hefyd pa mor berthnasol ydi'r gwaith yma i fywydau pob dydd bobl.
[00:48]
Gobeithio fod pobl wedi cael cyfle i ddysgu pethau newydd,
[00:51]
ac i fwynhau dysgu,
[00:53]
A gweld bod y brifysgol yn gallu cyfoethogi bywyd pobl,
[00:56]
fel ydy'r bwriad wedi bod erioed ers ei sefydlu yng Ngogledd Cymru.
