Os ydych eisoes wedi gwneud cais am gwrs sy’n cychwyn ym Medi 2025, yna os ydych chi'n cael cynnig i astudio yma, cewch wahoddiad drwy e-bost i un o’n Diwrnodau i Ymgeiswyr.
Ond, os nad ydych eto wedi gwneud cais i brifysgol neu os ydych dal yn ystyried eich opsiynau ar gyfer Medi 2025 neu yn gwneud ymchwil ar gyfer cychwyn ym Medi 2026, yna byddwn yn eich annog i ddod i’n Diwrnod Ymweld ar Ddydd Sul, 13 Ebrill.
Archebu eich lle ar y Diwrnod Ymweld
Ar Ddiwrnod Ymweld, byddwch yn:
- mynychu sesiynau blasu pwnc i roi mwy o wybodaeth i chi am astudio eich dewis cwrs ym mis Medii
- ymweld â’n llety myfyrwyr ac adnoddau chwaraeon
- ymweld â’r ardal arddangos i ganfod mwy am yr ystod eang o wasanaethau cefnogol ac Undeb y Myfyrwyr
- sgwrsio gyda staff a myfyrwyr presennol drwy gydol y dydd.
Darganfyddwch eich cwrs perffaith
Cymrwch olwg ar ei meysydd pwnc new olwg fwy manwl ar ein cyrsiau i ddod o hyd i'ch cwrs perffaith.
Wedi gwneud cais am gwrs yn cychwyn ym Medi 2025? Dewch i Ddiwrnod i Ymgeiswyr
Os ydych wedi gwneud cais i astudio yma, cewch wahoddiad i Ddiwrnod i Ymgeiswyr drwy'r post / e-bost.
Pam Dewis Prifysgol Bangor?
Yn ogystal â’r addysgu rhagorol a’r adnoddau ardderchog, mae yna lawer o bethau eraill sy’n cyfrannu at wneud y profiad o astudio yma yn un unigryw. Mae awyrgylch gyfeillgar i'r ddinas a chewch gymdeithasu trwy gyfrwng y Gymraeg. Yn ogystal â hynny, mae amgylchedd naturiol ein hardal gyfagos yn arbennig!
Byw mewn Llety modern sy'n gyfleus a chyfforddus
Byddwch yn teimlo'n gartrefol yn ein neuaddau preswyl. Mae ein llety yn fodern ac yn gyfforddus ac o fewn pellter cerdded i'r rhan fwyaf o adeiladau'r Brifysgol. Cewch ddewis byw yn o'r ddau bentref myfyrwyr.
Lleoliad ysbrydoledig i fyw a dysgu
Mae'r Brifysgol yn cynnig amgylchedd hamddenol i fyfyrwyr gymdeithasu, dysgu a gwneud ffrindiau oes. Mae ein lleoliad, y golygfeydd a'r ardal gyfagos hefyd ymhlith y rhesymau pam mae llawer o'n myfyrwyr yn dewis dod i Fangor.
Gofalu a chefnogi ein myfyrwyr
Ym Mangor, rydym yn rhoi pwyslais mawr ar ofalu am ein myfyrwyr a’u cefnogi. O'r munud y byddwch yn cyrraedd, byddwch yn cael cymaint o help a chefnogaeth ag sydd eu hangen arnoch chi.
Dewis eang o Glybiau a Chymdeithasau
Mae Clybiau a Chymdeithasau Undeb y Myfyrwyr, sydd wedi cael eu gwobrwyo ymysg y gorau yn y DU tros y blynyddoedd, yn gyfle gwych i ddod i adnabod eraill. Felly, p'un a yw'n rywbeth rydych yn ymddiddori ynddo erioed neu'n chwaraeon neu weithgareddau rydych wedi bod eisiau rhoi cynnig arnynt erioed, mae yna ddigon i'ch cadw'n brysur yn eich amser hamdden.
Unrhyw gwestiynau? Sgwrsiwch gyda myfyrwyr a staff
A oes gennych unrhyw gwestiynnau am fywyd myfyriwr ym Mangor? Mae ein llysgenhadon yn barod i’ch helpu gael yr ateb.
Gall ein myfyrwyr ddweud mwy wrthoch am y profiad o astudio yma, am y Clybiau a Chymdeithasau gwych sydd yma, a sut bu iddynt hwy wneud ffrindiau ac ymgartrefu yn y Brifysgol.
Os oes gennych unrhyw gwestiynau am y cwrs, mae ein darlithwyr wrth law i helpu. Dyma rai cwestiynau a ofynnir yn aml. Oes gennych chi unrhyw gwestiwn arall i'n darlithwyr?
- Pa rinweddau sydd gan fyfyrwyr llwyddiannus y pwnc hwn ym Mangor?
- Beth allai wneud i baratoi at astudio'r pwnc hwn ym Mangor?
- Sut ydw i yn gwybod mai'r pwnc hwn ym Mangor yw’r dewis iawn i mi?