Ar Ddiwrnod Agored cewch ymweld â llety'r Brifysgol yn unai Pentref Ffriddoedd neu Pentref Y Santes Fair. Mae cyfle hefyd i chi ymweld â'r neuadd Gymraeg, Neuadd John Morris-Jones.
Mae teithiau llety i Ffriddoedd neu'r Santes Fair yn cael eu cynnal trwy gydol y dydd, gyda'r teithiau yn ymadael o Ffordd y Coleg, gyferbyn â Phrif Adeilad y Brifysgol.
Mae teithiau i Neuadd John Morris-Jones yn cael eu cynnal am 10.30am, 11.30am, 1.30pm a 2.30pm, gyda phob taith yn ymadael o Dderbynfa Prif Adeilad y Brifysgol.
Rydym hefyd yn cynnal cyflwyniadau yn ystod y dydd am ein darpariaeth llety, y broses o wneud cais, ein cyfleusterau a chostau. Edrychwch ar eich rhaglen am fanylion.
Sicrwydd o Lety
Rydym yn sicrhau ystafell yn un o'n neuaddau preswyl i bob myfyriwr flwyddyn gyntaf sy'n gwneud cais cyn y dyddiad cau.
Neuadd John Morris-Jones
Neuadd John Morris-Jones (JMJ) yw'r dewis cyntaf gan nifer fawr o fyfyrwyr sy'n siarad Cymraeg a rhai sy'n dysgu'r iaith. Mae awyrgylch naturiol Gymraeg y Neuadd a'r bywyd cymdeithasol byrlymus yn golygu ei fod yn hawdd i ymgartrefu a dod i wneud ffrindiau newydd.
Mae JMJ ym Mhentref Ffriddoedd, sydd o fewn pellter cerdded i'r Brifysgol ac i ganol y ddinas. Hefyd wedi eu lleoli yn Ffriddoedd mae bar-caffi Bar Uno a chanolfan chwaraeon y Brifysgol, Canolfan Brailsford.
Aelodaeth o'r gampfa a Campws Byw yn gynwysedig
Mae myfyrwyr sy'n byw yn ein neuaddau preswyl yn derbyn aelodaeth o'r gampfa a Campws Byw.
Ewch i'n tudalennau am Lety i wybod mwy, yn cynnwys prisiau, gwybodaeth am y neuaddau unigol a sut ac erbyn pryd i wneud cais.