Efallai y byddwch yn gadael adref am y tro cyntaf pan yn cychwyn yn y Brifysgol neu efallai eich bod yn byw yn ddigon agos i fedru teithio nol a mlaen. Mae lle yr ydych chi’n byw yn gwneud gwahaniaeth mawr i'ch profiad yn y brifysgol. Mae Neuaddau Preswyl yn ffordd wych o gyfarfod pobl newydd sydd yn union yr un gwch a chi. Byddwch yn gwneud ffrindiau, cymdeithasu a bydd cymorth ar gael i'ch helpu chi ymgartrefu.
Y newyddion gwych yma ym Mhrifysgol Bangor ydi, os mai ni yw eich Dewis Cadarn, (neu os ydych yn fyfyriwr rhyngwladol ac wedi derbyn llythyr cynnig gan y Brifysgol), rydym yn sicrhau ystafell ar eich gyfer yn ystod y flwyddyn gyntaf o'ch gradd israddedig, cyn belled â'ch bod ar gampws Bangor, yn astudio cwrs sy'n cychwyn fis Medi ac yn gwneud cais cyn y dyddiad cau. Byddwn yn anfon e-bost atoch pan ddaw'n amser ymgeisio a byddwch yn gallu dewis yr ystafell rydych chi am fyw ynddi trwy ein system archebu ar-lein.
Mae ein holl lety'n hunanarlwyo ac mae gan y mwyafrif o'n hystafelloedd ystafelloedd ymolchi preifat en-suite. Mae ein holl neuaddau preswyl o fewn pellter cerdded i brif adeiladau'r Brifysgol a chanol y ddinas.
Byw adref
Os ydych yn byw yn agos i'ch prifysgol gallwch ddewis i fyw gartref a theithio i mewn i'r brifysgol bob dydd i fynychu eich darlithoedd a seminarau. Fodd bynnag, mae llawer o fyfyrwyr yn penderfynu symud i ffwrdd o gartref fel eu bod yn medru manteisio ar y cyfle i wneud y mwyaf o’r ochr gymdeithasol o fywyd myfyriwr.
Llety Preifat
Os ydi’n well gennych chi edrych am rhywle eich hun yn y sector breifat, mi all ein Gwasanaethau Myfyrwyr eich helpu chi drwy’r broses. .
