Powis Castle: The Resilience of an Aristocratic Estate in Wales

Prif siaradwr: Dr Melvin Humphreys (Cydymaith Ymchwil er Anrhydedd, Sefydliad Ymchwil Ystadau Cymru)

Mae Dr Melvin Humphreys wedi bod yn astudio ystad Castell Powis ers tua 45 mlynedd.  Arholwr allanol ei ddoethuriaeth oedd y diweddar Athro Gordon Mingay, a ddywedodd unwaith mai mater o raddfa oedd y gwahaniaeth rhwng aristocratiaid a boneddigion.  Ond am wahaniaeth roedd y raddfa honno’n ei wneud!  Rhoddodd allu aruthrol i ystadau aristocrataidd oroesi, a chaniataodd iddynt fanteisio ar eu hadnoddau mewn ffyrdd a oedd ymhell y tu hwnt i allu eu cymdogion llai cyfoethog.  Yn y cyflwyniad hwn, bydd Melvin yn edrych ar dair agwedd ar un o ystadau aristocrataidd mwyaf Cymru: llwyddiant a dirywiad cylchol y teulu Powis; eu gafael ar dir caeedig a'u hobsesiwn â chloddio am blwm.

Traddodir y ddarlith hon trwy gyfrwng y Saesneg.