Yn ystod y flwyddyn academaidd 2024-25, bydd Dr Lowri Ann Rees yn datblygu’r prosiect ‘Dulliau Arloesol o Ddysgu Hanes Cymru’. Bydd Prifysgol Bangor yn cynnal gweithdy a fydd yn dod ag athrawon prifysgol o bob rhan o Gymru a thu hwnt sy’n addysgu Hanes Cymru at ei gilydd i ystyried a hyrwyddo agweddau ar ymarfer addysgu, gan amlygu dulliau arloesol o addysgu Hanes Cymru.
Dywedodd Dr Rees "Mae’n fraint enfawr i mi dderbyn y gymrodoriaeth hon ac rwy’n edrych ymlaen yn fawr at weithio ar y prosiect hwn. Hoffwn ddiolch i’r Royal Historical Society am gefnogi’r fenter hon i hyrwyddo addysgu a dysgu Hanes Cymru".
Gallwch ddarllen mwy am yr anrhydedd a ddyfarnwyd i Dr Rees ar wefan y Royal Historical Society.