Pam astudio hylendid deintyddol?
Mae gennym bartneriaeth agos gyda darparwyr lleoliadau. Mae hynny’n sicrhau y gwnaiff rhaglen hylendid deintyddol Prifysgol Bangor eich paratoi i fod yn hylenydd a all ddarparu gofal deintyddol rhagorol. Byddwch yn derbyn addysg gan addysgwyr hylendid deintyddol arbenigol mewn amgylchedd rhyngddisgyblaethol ac fel myfyriwr mi gewch chi brofiad dysgu o ansawdd uchel a rhagoriaeth mewn ymchwil.
Cyfleoedd am yrfaoedd mewn hylendid deintyddol
Mae Hylenwyr Deintyddol yn darparu gwasanaeth hanfodol mewn amrywiaeth o leoliadau gofal deintyddol. Gall graddedigion ddisgwyl gweithio mewn gwasanaethau deintyddol cyffredinol neu wasanaethau deintyddol clinigol cymunedol. Yn y gwasanaethau hynny, mae hylenwyr deintyddol yn gweithio fel rhan o'r tîm deintyddol ehangach, gan reoli eu cleifion eu hunain, ac ychwanegu at y gofal a ddarperir gan unigolion cofrestredig deintyddol eraill.
Bydd rôl gynyddol i hylenwyr deintyddol yn narpariaeth gwasanaethau deintyddol y Gwasanaeth Iechyd Nghymru a newidiadau polisi’n parhau i bwysleisio'r defnydd cynyddol o hylenwyr.
Gall hylenwyr deintyddol ganolbwyntio ar elfennau penodol o ofal neu weithio mewn lleoliadau gofal penodol, gan gynnwys ysbytai dysgu, ysgolion deintyddol, y lluoedd arfog, carchardai, neu gyfleusterau gofal preswyl. Mae llwybrau gyrfa unigryw hefyd ar gael trwy ddatblygiad proffesiynol parhaus a chyfleoedd dysgu gydol oes. Mae rhai hylenwyr deintyddol yn dod yn addysgwyr deintyddol, rheoleiddwyr ac academyddion.
Mae hylendid deintyddol hefyd yn fodd i symud ymlaen rhwng swyddi ym maes deintyddiaeth. Mae symud ymlaen o hylendid deintyddol i therapi deintyddol yn gyffredin.
Unrhyw gwestiynau? Sgwrsiwch gyda myfyrwyr a staff
A oes gennych unrhyw gwestiynnau am fywyd myfyriwr ym Mangor? Mae ein llysgenhadon yn barod i’ch helpu gael yr ateb.
Gall ein myfyrwyr ddweud mwy wrthoch am y profiad o astudio yma, am y Clybiau a Chymdeithasau gwych sydd yma, a sut bu iddynt hwy wneud ffrindiau ac ymgartrefu yn y Brifysgol.
Os oes gennych unrhyw gwestiynau am y cwrs, mae ein darlithwyr wrth law i helpu. Dyma rai cwestiynau a ofynnir yn aml. Oes gennych chi unrhyw gwestiwn arall i'n darlithwyr?
- Pa rinweddau sydd gan fyfyrwyr Hylendid Deintyddol llwyddiannus ym Mangor?
- Beth allai wneud i baratoi at astudio Hylendid Deintyddol ym Mangor?
- Sut ydw i yn gwybod mai Hylendid Deintyddol ym Mangor yw’r dewis iawn i mi?
Ein hymchwil
Isod mae rhai enghreifftiau o brojectau ymchwil diweddar sy'n gysylltiedig â gweithwyr hylendid deintyddol a gofal proffesiynol o Brifysgol Bangor:
• Can Hygiene-Therapists maintain the oral health of routine low-risk dental recall patients in "high-street" dental practices: a pilot study.
• uSing rolE-substitutioN In care hOmes to improve oRal health (SENIOR).
• Realist Evaluation of the In Practice Prevention Programme.
• A Realist Evaluation of NSH Dental Contract Pilots Across Wales.