Bancio Cyfrifol: Gwrtheiriad neu Oes Newydd Gyfoes ym myd Bancio?

Mae podlediad diweddaraf Ysgol Busnes Bangor wedi ei ryddhau ac ar gael i wrando arno a’i rannu. Y mis hwn mae'r ffocws ar Fancio Cyfrifol.  Gall hyn fod yn gysyniad sy’n peri syndod i’r rhai ohonom sy’n cofio’n fyw yr argyfwng bancio ac ariannol yn 2008, fodd bynnag, mae cyfnod newydd yn gwawrio diolch i sefydliadau fel Sefydliad Cyllid Ewropeaidd Ysgol Busnes Bangor. Yn ôl Sefydliad y Bancwyr Siartredig mae “bancio cyfrifol” yn cyfeirio at yr ymarfer o ystyried effaith cymdeithasol ac amgylcheddol penderfyniadau bancio. Mae bancio cyfrifol yn hyrwyddo atebion bancio moesegol a chynaliadwy i heriau byd-eang megis newid hinsawdd ac anghydraddoldeb ariannol”. Mae’r podlediad ‘Penny for your Thoughts’ y mis hwn yn ymuno ag Ian Roberts, Darlithydd mewn Bancio Cynaliadwy a Moesegol yn Ysgol Busnes Bangor, i ddysgu am y gwrtheiriad ymddangosiadol hwn a sut mae ef a'i gydweithwyr yn ymgorffori Egwyddorion Bancio Cyfrifol y Cenhedloedd Unedig i hyfforddiant a datblygiad addysg uwch arweinwyr y dyfodol yn y diwydiant bancio.

Mae Ian yn Ddarlithydd mewn Bancio Cynaliadwy a Moesegol yn Ysgol Busnes Bangor ac mae ei ddiddordebau ymchwil yn cynnwys achosion o gamymddwyn gan unigolion a sefydliadol yng ngwasanaethau ariannol y Deyrnas Unedig. Mae'n addysgu ar nifer o raglenni israddedig ac ôl-radd, gan gynnwys yr MBA Banciwr Siartredig o fri.

Gwrandewch nawr - www.bangor.ac.uk/bbs/podcasts