Gŵyl Gwyddorau yn Denu Cynulleidfaoedd Brwdfrydig i Sesiynau Lles Caligraffeg a Pherfformiadau Lleddfol Guzheng!

Roeddem yn falch iawn o ymuno â’r Ŵyl Wyddorau, lle cynigiwyd profiad unigryw gennym yn cyfuno llonyddwch caligraffeg gyda synau lleddfol cerddoriaeth draddodiadol Guzheng. Denwyd nifer o gyfranogwyr i’r digwyddiad, a gynhaliwyd ar 8 Tachwedd, a oedd yn awyddus i ddysgu am y byd ymwybyddiaeth ofalgar ac ymlacio trwy'r celfyddydau.

Canmolwyd ein gweithdy gan y rhai oedd yn bresennol, gan ddiolch am y profiad unigryw a chyfoethog. Dywedodd nifer o’r cyfranogwyr eu bod yn teimlo wedi’u hadfywio ac wedi ymlacio, a’u bod wedi cael sgiliau newydd mewn caligraffeg a gwerthfawrogiad o synau hudolus y Guzheng.

'Doeddwn i erioed wedi dod ar draws y Guzheng o'r blaen, ond cyn gynted ag y clywais y gerddoriaeth, gallwn adnabod yn sicr ei darddiad unigryw Tsieineaidd. Roedd yn teimlo fel taith trwy amser, ac roedd y sain yn deimladwy a chyfareddol.'

Oherwydd y galw aruthrol ac adborth cadarnhaol am y gweithdy hwn, mae Sefydliad Confucius wedi ymrwymo i barhau â'n hymdrechion i hyrwyddo creadigrwydd ac ymlacio trwy gyfuno caligraffeg a cherddoriaeth. Rydym yn bwriadu cynnig rhagor o ddigwyddiadau a gweithdai i gyrraedd cynulleidfa ehangach a rhannu buddion y ffurfiau hyn ar gelfyddyd.

Ewch i'n tudalen digwyddiadau i weld y wybodaeth ddiweddaraf am y digwyddiadau a gweithdai sydd i ddod.