Galwad Cthulhu ymddangos yn y Gymraeg
'Nid marw yw'r sawl a huna'n fythol brudd;
Daw tranc marwolaeth, hyd yn oed, ryw ddydd.'
Yr Americanwr H. P. Lovecraft yw un o lenorion pwysicaf meysydd arswyd, ffuglen wyddonol a ffantasi. Fel yn achos Orwell a Kafka, mor wreiddiol a neilltuol yw ei arddull a'i destunau fel y bathwyd yr ansoddair 'Lovecraftaidd' i ddisgrifio ffuglen yn yr un genre.
Mae ei straeon yn gyforiog o ddirgelwch a chyffro. Ceir ynddynt gyfrinachau sydd yn llechu ar wely'r môr... siambrau tywyll ymhell islaw'r ddaear... hen lyfrau'n cuddio cyfrinachau oes... a chreaduriaid erchyll sydd y tu hwnt i amgyffred pobl!
Dyma'r tro cyntaf i ffuglen Lovecraft ymddangos yn y Gymraeg. Mae'r casgliad yn cynnwys pump o straeon enwocaf yr awdur gan gynnwys Galwad Cthulhu, stori fythgofiadwy a gyflwynodd i'r byd yr anghenfil tentaclog o'r sêr, Cthulhu. Y cyfeithydd, Peredur Glyn, yw awdur Pumed Gainc y Mabinogi a Cysgod y Mabinogi, gweithiau wedi'u hysbrydoli'n uniongyrchol gan waith H. P. Lovecraft.
Mae'r gyfrol yn cynnwys cyflwyniad newydd, wedi ei ysgrifennu gan y cyfieithydd, sydd yn darparu cyd-destun ar gyfer yr awdur a'i waith.
Ar gael yma: https://melinbapur.cymru/cy/products/galwad-cthulhu-h-p-lovecraft
