Pa Fath o Radd Hoffech ei Hastudio?
Wrth ystyried eich opsiynau ôl-raddedig, mae dau brif lwybr i’w harchwilio:gradd ôl-raddedig hyfforddedig neu radd drwy ymchwil. Edrychwch ar eu nodweddion allweddol i ganfod pa fath sy'n cyd-fynd â'ch cryfderau.
Cyrsiau Ôl-raddedig Hyfforddedig
- Dysgu manwl mewn darlithoedd a seminarau
- Marc terfynol yn ddibynnol iawn ar asesiadau amrywiol
- Pwyslais ar ennill sgiliau
- Agweddau o ymchwil annibynnol
Mae Prifysgol Bangor yn cynnig y graddau ôl-raddedig hyfforddedig canlynol; MSc, MA, MBA, MMus, LLM, TAR.
Cyrsiau Ymchwil Ôl-raddedig
- Yn canolbwyntio ar ymchwil annibynnol
- Marc terfynol yn ddibynnol iawn ar draethawd hir
- Cyfraniadau gwreiddiol i'r maes
- Llawer o ymreolaeth
Mae Prifysgol Bangor yn cynnig y graddau ymchwil ôl-raddedig canlynol; LLM, PhD, MPhil, MRes, Doethuriaeth Broffesiynol, MScRes, MARes, DHealthCare, EdD, MMusRes.
Diolch i gefnogaeth ddiwyro fy ngoruchwyliwr a'r partneriaethau amhrisiadwy y mae'r brifysgol wedi'u meithrin gyda sefydliadau lleol, llwyddais i fagu'r hyder i ragori yn fy astudiaethau ôl-raddedig. Erbyn heddiw, rwy'n falch o fod mewn swydd werth chweil gyda chwmni technoleg arloesol.
Diwrnod Agored Ôl-raddedig 2024
Diddordeb astudio gradd ôl-raddedig hyfforddedig neu ymchwil gyda Phrifysgol Bangor ac eisiau gwybod mwy am yr hyn y gallwn ei gynnig i chi?
Dyma beth i'w ddisgwyl yn un o'n Diwrnodau Agored ar y campws
💬Trafod eich dewisiadau gyda staff
💳Gwybodaeth am sut i ariannu eich cwrs
👀Darganfod y gefnogaeth fydd ar gael i chi fel myfyriwr ôl-radd
Mwy am Brifysgol Bangor
Rydym yn rhoi sicrwydd o lety i ymgeiswyr ôl-raddedig sydd:
- Yn gwneud cais ar gyfer cwrs llawn-amser sy'n dechrau fis Medi
- Yn gwneud cais ar gyfer cwrs a gynhelir ar ein campws ym Mangor
- Yn llwyddo i ennill statws diamod cyn 7 Awst (gall myfyrwyr rhyngwladol sydd â llythyr o gynnig amodol wneud cais hefyd)
- Yn gwneud cais am le mewn neuadd erbyn 7 Awst
Sylwch, mae ein llety i ôl-raddedigion yn bennaf yn ystafelloedd i un, en-suite, fflatiau stiwdio a thai yn y dref. Os gwnewch gais am le mewn neuadd cyn y dyddiad cau, sef 7 Awst, gallwch ddewis pa ystafell fyddai orau gennych.
Ym Mhrifysgol Bangor, mae yna rywbeth i fyfyrwyr o bob math, sy’n rhoi profiad unigryw a phersonol i bawb. Mae rhai agweddau ar fywyd myfyriwr sy'n helpu i greu profiad prifysgol yn cynnwys:
- 150 o glybiau, cymdeithasau a phrosiectau gwirfoddoli i gyd am ddim i ymuno â nhw.
- Amrywiaeth o fariau, clybiau, a chaffis at ddant pob math o chwaeth.
- Digon o gyfleoedd i archwilio'r ardal gyfagos rhwng y môr a’r mynyddoedd.
- Cyfleusterau chwaraeon rhagorol gan gynnwys;
- Cae 3G wedi'i ardystio gan FIFA a Rygbi'r Byd
- Caeau glaswellt awyr agored
- Neuaddau chwaraeon
- Campfeydd gan gynnwys campfa berfformio
- Cyrtiau sboncen
- Wal ddringo aml-lwybr
- Trac athletau
Mae gan Brifysgol Bangor lawer o adnoddau arbenigol sy'n gysylltiedig â phynciau penodol ac sy'n wych o ran ategu gweithgareddau ymchwil. Mae rhai enghreifftiau yn cynnwys;
- Llong ymchwil
- Sganiwr MRI
- Siambr hinsoddol
- Amgueddfa Hanes Natur
- Gardd Fotaneg
Mae gan Brifysgol Bangor ystod drawiadol o adnoddau a chyfleusterau dysgu, gan gynnwys;
- Casgliad helaeth o lyfrau a chylchgronau
- Dros 1000 o gyfrifiaduron at ddefnydd myfyrwyr
- Ystafelloedd cyfrifiaduron 24 awr
- Mannau dysgu cymdeithasol
- Cyfleusterau dysgu o'r radd flaenaf
Rydym yn rhoi pwyslais mawr ar gefnogi a gofalu am ein myfyrwyr. Mae arnom ni eisiau sicrhau y byddwch yn ffynnu ym mhob ffordd yn ystod eich cyfnod yma. Dyma rai o’r gwasanaethau sydd ar gael i gefnogi myfyrwyr;
- Arweinwyr Cyfoed a Thiwtoriaid Personol
- Gweinyddu a Gwasanaethau Myfyrwyr
- Cyngor ariannol
- Cefnogaeth iechyd a lles
- Cyngor ar lety preifat
- Cefnogaeth dyslecsia
- Chwnsela
- Cymorth Anabledd
- Sgiliau Astudio