Canfyddiadau Cymunedol o Brojectau Mannau Gwyrdd Awdurdodau Lleol

• Modelu a meintioli buddion cynlluniau GI.
• Casglu a dadansoddi safbwyntiau a chanfyddiadau pobl o ymyriadau mannau gwyrdd a ddarperir gan gynghorau lleol.
• Cymharu barn pobl o bob rhan o’r DU â chanfyddiadau trigolion y Rhyl.
• Darganfod a yw'r math o GI newydd yn effeithio ar ei dderbynioldeb ac ymgysylltiad pobl.
• Darganfod a yw darparu gwybodaeth benodol am gyd-fuddiannau yn newid canfyddiadau ac ymgysylltiad.

• Cyfrifo gwerth economaidd hectar o goed yn seiliedig ar ddata Sir Ddinbych ar gyfer sŵn, carbon a llygredd aer.
• Datblygu arolwg pum munud ar-lein i gasglu data cymdeithasol, gan ddychwelyd 1866 o ymatebion cynrychioliadol cenedlaethol a 60 o ymatebion gan drigolion y Rhyl.
• Cynnal 28 o gyfweliadau unigol ac un grŵp ffocws gyda thrigolion y Rhyl i gael mewnwelediad pellach.
• Rhoi gwybodaeth am fuddion ychwanegol i hanner yr arolwg a’r cyfranogwyr a gyfwelwyd er mwyn dadansoddi a oedd darparu ffeithiau buddion ar y cyd yn effeithio ar ganfyddiadau ac ymatebion.

• Yn seiliedig ar ddata Sir Ddinbych datgelodd y modelau gwasanaeth ecosystem y gall un hectar o goed ddarparu gwerth economaidd o hyd at £3,669 ar gyfer sŵn, llygredd aer a charbon, o'u plannu yn y mannau cywir.
• Roedd mwyafrif helaeth y bobl a holwyd (> 70%) ac a gyfwelwyd (> 80%) o blaid cynlluniau GI (yn yr achos hwn, plannu coed a dolydd blodau gwyllt).
• Nid oedd gwybodaeth ychwanegol am y buddion y maent yn eu darparu wedi newid eu canfyddiadau am goed a dolydd blodau gwyllt.
• Iechyd a lles corfforol a meddyliol oedd y manteision a nodwyd amlaf gan bobl a holwyd neu a gyfwelwyd. Roedd manteision iechyd a lles yn bwysig i 100% o'r rhai a gyfwelwyd.
• Fe wnaethom gyfuno’r canfyddiadau yma i mewn i adroddiad ar gyfer Cyngor Sir Ddinbych a briff polisi.

Dydd Llun 26 Chwefror 2024, 10am i 3.30pm.

Canolfan Celfyddydau ac Arloesedd Pontio, Prifysgol Bangor.

Fe wnaethom drefnu gweithdy i adeiladu ar y mewnwelediadau a gafwyd yn ein prosiect a ariannwyd gan RECLAIM Network Plus yn y Rhyl, Gogledd Cymru. Ffocws y digwyddiad oedd unrhyw seilwaith gwyrdd a glas mewn trefi a dinasoedd. Pwrpas y gweithdy oedd rhannu canfyddiadau astudiaeth y Rhyl wrth agor y sgôp yn ehangach i gynnwys GI sydd o ddiddordeb i gynghorau a chymunedau. Archwiliodd anghenion, blaenoriaethau, canfyddiadau a hoffterau rhanddeiliaid. Roedd cynrychiolaeth academaidd yn cynnwys Canolfan Ecoleg a Hydroleg y DU, Prifysgol Bangor, Prifysgol Wrecsam. Roedd y sector cyhoeddus yn cynnwys Bwrdd Iechyd Prifysgol Betsi Cadwaladr, Cyngor Gwynedd, Cyngor Sir Ddinbych. Roedd grwpiau cymunedol yn cynnwys GwyrddNi, Ffrindiau Pwllheli, Cwlwm Seiriol, Bwyd Bendigedig y Felinheli ac aelodau o'r cyhoedd.

Ein cwestiwn arweiniol ar gyfer y digwyddiad

C: Beth yw barn pobl ar draws gwahanol lefelau o brofiad am reoli mannau gwyrdd ar lefel cyngor lleol, trwy lens iechyd a lles?

• Beth yw eich heriau?
• Ble rydyn ni eisiau bod?
• Sut gallwn ni gyrraedd yno?

Galluogodd y gweithdy ni i ddod â lleisiau o wahanol sectorau a phrofiad ynghyd, i drafod pwnc pwysig mannau gwyrdd ac iechyd a lles. Gallwch ddarllen mwy am y gweithdy hwn ar wefan RECLAIM Network