A yw Gweithredu Gwleidyddol-Gymdeithasol Corfforaethol o Bwys? Yr hyn a wyddom o ymddygiad Buddsoddwyr Manwerthu

Mae'n fis Hydref a'r mis yma rydym yn archwilio mudiad cymdeithasol pwysig a'i effaith ar 'gynnal busnes' gyda Dr Ayan Orujov; Darlithydd Cyllid yn Ysgol Busnes Bangor. Mae Black Lives Matter (BLM) yn rhan o Ymgyrchu Gwleidyddol-Gymdeithasol ac mae’r modd y mae mudiadau o'r fath yn llywio ac yn cael eu llywio gan fusnes yn dod o dan yr hyn a elwir yn 'Ymgyrchu Gwleidyddol Gymdeithasol Corfforaethol'. Mae Ayan yn ymuno â ni, yn ystod mis Black Lives Matter, i drafod ei ymchwil yntau a’i gydweithwyr i ymgyrchu gwleidyddol-cymdeithasol corfforaethol mewn buddsoddiadau manwerthu. Mudiad gwleidyddol a chymdeithasol datganoledig yw BLM sy'n ceisio rhoi sylw at hiliaeth, camwahaniaethu, ac anghydraddoldeb hil a brofir gan bobl ddu. Felly, sut mae buddsoddwyr yn ymateb i gwmnïau sy'n mynegi cefnogaeth i BLM a pha ffactorau sy'n gwneud cwmni'n fwy tebygol o gefnogi'r mudiad? Ymunwch â ni i wrando ar Ayan a gwrando ar safbwyntiau a chanfyddiadau ei ymchwil a’r dystiolaeth iddynt.

Darlithydd mewn Cyllid yn Ysgol Busnes Bangor yw Dr Ayan Orujov. Mae ganddo diddordeb academaidd brwd yn ymddygiad buddsoddwyr manwerthu yn enwedig o ran cynaliadwyedd a moeseg. Mae ei waith wedi ei gyhoeddi’n rhyngwladol. Cyhoeddodd bapurau’n ddiweddar yn y Journal of Corporate Finance ac International Journal of the Economics of Business.

Gwrandewch nawr - https://www.bangor.ac.uk/cy/ybb/podlediadau