Cyrsiau

Mae buddsoddiad Bangor mewn cynaliadwyedd ynni'r dyfodol yn mynd y tu hwnt i ymchwil ac mae'r Brifysgol yn hyfforddi'r genhedlaeth nesaf o beirianwyr ac ymchwilwyr blaengar. Mae Bangor yn dysgu sawl cwrs sy'n rhoi'r sgiliau hyn i fyfyrwyr, yn cynnwys y cwrs Peirianneg Electronig ac MSc mewn Ynni Adnewyddadwy'r Môr yn yr Ysgol Gwyddorau'r Eigion. Mae gan y Brifysgol hefyd raglen Meistr israddedig integredig bedair blynedd (MEng) mewn Peirianneg Rheolaeth ac Offeryniaeth, sydd wrth wraidd y genhedlaeth cynhyrchu pŵer Niwclear ac Adnewyddadwy.

Mae'r brifysgol yn gwneud cyfraniad arbennig i hyrwyddo'r agenda sgiliau niwclear lefel uwch, yn paratoi'r genhedlaeth nesaf o raddedigion ar gyfer y sector niwclear. Mae gan Fangor gyfle arbennig i gyfrannu at yr agenda sgiliau niwclear wrth i'w datblygiadau ymchwil a gallu academaidd newydd fod ar gael. Er enghraifft, mae ei phartneriaeth gyda Hitachi Nuclear Power wedi arwain at weithdai gyrfa, cyfle i fyfyrwyr sy'n interniaid ymweld â rhiant gwmni Horizon, sef Hitachi-GE Nuclear Energy Ltd yn Hitachi City yn Japan, a lleoliadau i raddedigion Bangor.