Ysgoloriaethau Bangor Gynhwysol 2024/25

Mae Prifysgol Bangor yn aelod o siarter Athena Swan ac felly wedi ymrwymo i gydraddoldeb rhywiol ac amrywiaeth, ac i greu a hyrwyddo diwylliant cynhwysol i staff a myfyrwyr ar bob lefel. Er bod datblygiad gyrfa menywod mewn gwyddoniaeth yn parhau i fod yn flaenoriaeth yn rhan o agenda Athena Swan ym Mangor, rydym hefyd yn cydnabod grwpiau eraill sydd wedi eu tangynrychioli mewn meysydd eraill ac yn dymuno dathlu a hyrwyddo’r myfyrwyr hynny sy'n cyfrannu at newid ac amrywiaeth yn eu dewis faes. Diben Ysgoloriaethau Bangor Gynhwysol y Brifysgol felly yw cefnogi myfyrwyr sy'n parhau â'u hastudiaethau ym Mangor er mwyn tynnu sylw at a dathlu amrywiaeth a chynwysoldeb ein myfyrwyr ym Mhrifysgol Bangor, sicrhau bod llais a phrofiad myfyrwyr wedi'u hymgorffori yn ein hagendâu cydraddoldeb, amrywiaeth a chynhwysiant ac Athena Swan ac i gefnogi datblygiad gyrfa ein myfyrwyr sy'n cyfrannu at yr agendâu pwysig hyn.

Ysgoloriaethau yw'r rhain ar gyfer gradd meistr (hyfforddedig neu drwy ymchwil) mewn unrhyw ddisgyblaeth. Dyfernir un ysgoloriaeth i bob Coleg. Rhoddir blaenoriaeth i feysydd pwnc lle mae tangynrychiolaeth sylweddol a chyson o rai grwpiau ymhlith myfyrwyr ôl-raddedig ym Mhrifysgol Bangor. Rydym yn croesawu'n arbennig geisiadau gan grwpiau a dangynrychiolir yn y meysydd pwnc hyn. Serch hynny, rydym hefyd yn croesawu ceisiadau ar gyfer pynciau eraill os yw'r ymgeisydd yn gallu dangos ymwybyddiaeth o broblemau “llif gyrfa” i ferched (neu grwpiau eraill) ymhellach i lawr y llwybr gyrfa academaidd yn y pwnc dan sylw.

Cymhwystra

I fod yn gymwys i wneud cais am yr ysgoloriaethau rhaid i'r ymgeiswyr ateb y gofynion canlynol:

  • Bod yn fyfyriwr israddedig blwyddyn olaf ar hyn o bryd ym Mhrifysgol Bangor, neu fod wedi graddio o gwrs gradd israddedig Bangor Fangor yn y ddwy flynedd ddiwethaf (2022, 2023) a
  • Wedi cael 2.1 neu uwch yn eu gradd gyntaf, ac
  • Wedi gwneud cais, ac wedi cael eu derbyn ar gyfer gradd feistr amser llawn neu ran-amser (hyfforddedig neu drwy ymchwil) ym Mhrifysgol Bangor i ddechrau ym mis Medi 2024.

Nodiadau pellach ar gymhwystra:

  • Nid yw cyrsiau Meistr integredig yn gymwys (caiff y rhain eu cyfrif fel cyrsiau israddedig)
  • Nid yw myfyrwyr sydd eisoes yn derbyn bwrsariaethau / ysgoloriaethau eraill (fel KESS) neu'r rhai a dderbynnir ar gyrsiau ôl-radd noddedig yn gymwys i wneud cais am ysgoloriaeth Bangor Gynhwysol
  • Caiff unrhyw ysgoloriaethau / gostyngiadau a gymhwysir yn awtomatig (e.e. gostyngiad teyrngarwch) eu disodli gan ysgoloriaeth Bangor Gynhwysol
  • Dylai myfyrwyr sy'n hanu o Gymru nodi, os dyfernir ysgoloriaeth Bangor Gynhwysol iddynt, y cânt eu rhestru fel myfyriwr noddedig ac felly ni chânt eu hystyried ar gyfer bwrsariaeth HEFCW.
  • Dylai myfyrwyr rhyngwladol nodi, os dyfernir ysgoloriaeth Bangor Gynhwysol iddynt, na fyddant yn gymwys i gael unrhyw wobrau rhyngwladol eraill gan y Brifysgol.

Pa feini prawf a ddefnyddir i werthuso ceisiadau?

  • Cyflawniadau academaidd
  • Bydd angen i ymgeiswyr ddangos ymwybyddiaeth a dealltwriaeth o faterion cydraddoldeb, amrywiaeth a chynwysoldeb yn eu dewis faes, gan adlewyrchu ar y gwaith a wneir o ran yr agweddau hynny ym Mangor. Dylent hefyd gynnwys unrhyw gyfraniadau y maent eisoes wedi'u gwneud i'r agenda hon a sut y maent yn gweld eu hunain yn cyfrannu at yr agenda hon fel myfyriwr/wraig ôl-raddedig ym Mhrifysgol Bangor.
  • Awydd ac ymroddiad yr ymgeisydd i ddilyn gyrfa yn ei (d)dewis faes a gallu’r ymgeisydd i ddangos sut y byddai'r ysgoloriaeth yn ei helpu i gyflawni ei (d)dyheadau gyrfa.

Beth mae'n ei gynnwys?

  • Taliad tuag at ffioedd dysgu cwrs Meistr ôl-radd hyfforddedig neu ymchwil am un flwyddyn neu am ddwy flynedd os yr astudir y cwrs yn rhan amser. Bydd terfyn uchaf o £9,500.

Nodiadau:

Ar gyfer cyrsiau (amser llawn) sy'n para’n hwy na 12 mis, dim ond am y flwyddyn gyntaf y bydd yr ysgoloriaeth yn talu'r ffioedd dysgu.
Nid oes arian parod ar gael yn lle.

Beth fydd yn ddisgwyliedig gennych chi?

  • Disgwylir i fyfyrwyr sy'n derbyn ysgoloriaeth Bangor Gynhwysol fod yn frwd eu cynrychiolaeth o’r Brifysgol, yn enwedig o ran agendâu Cydraddoldeb, Amrywiaeth a Chynhwysiant ac Athena Swan y Brifysgol. 
  • Disgwylir i ddeiliaid ysgoloriaeth fod yn weithgar yng ngweithgareddau a digwyddiadau cydraddoldeb, amrywiaeth a chynhwysiant ar lefel Ysgol / Coleg / Prifysgol. Gwahoddir deiliaid ysgoloriaeth i ymuno â phwyllgorau Athena Swan / Cydraddoldeb ar lefel Coleg a / neu Ysgol fel cynrychiolwyr myfyrwyr ôl-radd.

Felly anogir ymgeiswyr yn gryf i ddefnyddio'r adnoddau canlynol:

Gellir cysylltu â'r swyddog Cydraddoldeb ac Amrywiaeth Myfyrwyr (trwy e-bostio inclusive@bangor.ac.uk) os oes gan ymgeiswyr gwestiynau ynglŷn â'r data hwn.

Gwybodaeth bellach am Athena Swan a Chydraddoldeb mewn Addysg Uwch:

Mae gan yr Ysgolion canlynol wobrau Efydd Athena Swan:

  • Ysgol Iaith, Diwylliant a'r Celfyddydau
  • Ysgol Busnes Bangor
  • Ysgol Cyfrifiadureg a Pheirianneg
  • Ysgol Gwyddorau Amgylcheddol a Naturiol
  • Ysgol Gwyddorau Eigion
  • Ysgol Gwyddorau Iechyd
  • Ysgol Seicoleg a Gwyddor Chwaraeon

E-bostiwch athenaswan@bangor.ac.uk ar gyfer cysylltiadau Athena Swan / Cydraddoldeb yn yr Ysgol berthnasol.

Os oes gennych unrhyw gwestiynau cyffredinol am y cynllun neu am Athena Swan ym Mangor, cysylltwch ag athenaswan@bangor.ac.uk

Y Drefn Ymgeisio

I wneud cais, rhaid i ymgeiswyr gyflwyno’r ffurflen gais a CV erbyn 19 Gorffennaf 2024. Cynhelir cyfweliadau (trwy Teams) o’r wythnos yn dechrau 2 o Fedi 2024.

Ennillwyr Blaenorol