Gwybodaeth ar gyfer Graddedigion

Mae graddio yn garreg filltir gyffrous a phwysig i bob un ohonom – mae’r cyfnod yn dilyn graddio yn gyfnod o newid mawr, ac fe all hefyd fod yn gyfnod heriol wrth ichi ystyried eich camau nesaf a chystadlu am swyddi a chyfleoedd eraill.

Mae'r Gwasanaeth Gyrfaoedd a Chyflogadwyedd yn gwbl ymroddedig i'ch helpu i lwyddo wrth drawsnewid i yrfa raddedig.

Sut y gallwn ni helpu

Gall holl raddedigion Prifysgol Bangor fanteisio ar gyfrif 'am oes' ar ein llwyfan CyswlltGyrfa (TARGETconnect yn flaenorol), lle gallwch chwilio am swyddi a chyfleoedd eraill, a chael mynediad at amrywiaeth o offer ac adnoddau defnyddiol. Ymhellach, cewch hefyd fynediad at becyn o gefnogaeth ac adnoddau wedi'u teilwra’n arbennig i chi am dair blynedd ar ôl graddio.

Mae ein cefnogaeth tair blynedd yn cynnwys:

• Cymorth ac adborth ar gyfer CV a gwneud ceisiadau
• Paratoi at Gyfweliad
• Cynorthwyo graddedigion ansicr / pryderus ‘beth i’w wneud nesaf’
• Gwella’r chwilio am swyddi / cyfleoedd
• Rhoi cynnig ar ddulliau newydd os bu graddedigion yn aflwyddiannus gyda’u ceisiadau
• Archwilio ffyrdd o ennill profiad a sefydlu/gwella eu rhwydweithiau

Os ydych chi wedi graddio o Brifysgol Bangor - Croeso! Y cyfan sydd angen i chi ei wneud i barhau / ailgysylltu â'n Gwasanaeth yw actifadu eich cyfrif Graddio trwy osod cyfrinair. Cliciwch ar y cyswllt a rhowch y cyfeiriad e-bost personol a roesoch i Brifysgol Bangor cyn i chi raddio.

Gweithredwch eich Cyfrif Graddio

Cefnogaeth i Raddedigion

Rydym yn ymrwymo’n llwyr i’ch helpu chi lwyddo wrth symud ymlaen at yrfa raddedig a byddwn ar gael i chi am hyd at dair blynedd ar ôl i chi raddio.

Lle bynnag ydych chi ar y llwybr, rydym yn ymdrin â chynllunio gyrfaoedd, chwilio am swyddi a sgiliau gwneud ceisiadau, yn ogystal ag amrywiaeth o bynciau eraill i’ch helpu chi ddatblygu eich cyflogadwyedd fel a ganlyn:

• Apwyntiadau un-i-un (yn y cnawd neu ar-lein)

• Gweithdai a gweminarau

• Mynediad at amrywiol adnoddau

Cofrestwch ar gyfer cefnogi graddedigion I’ch helpu I ddatblygy eich Cyflogadwyedd a’ch symud ymlaen

Gall ein Cefnogaeth i Raddedigion helpu!

E-bostiwch cefnogigraddedigion@bangor.ac.uk am fwy o wybodaeth.

Facebook & Twitter: @PBcyflogadwyedd / @BUemployability
Twitter: @PBcyflogadwyedd / @BUemployability
Instagram: @pbcyflogadwyedd / @buemployability
LinkedIn: Cyflogadwyedd Prifysgol Bangor / Bangor University Employability

Edrychwn ymlaen at glywed oddi wrthych a’ch cefnogi yn eich dyheadau am yrfa.

Wedi'i ddiweddaru Awst 2023