Canolfan Ymchwil Gofal Cychwynnol Gogledd Cymru

Rydym yn grŵp ymchwil ac addysgu sy'n rhan o Ysgol Feddygaeth Gogledd Cymru ym Mhrifysgol Bangor. Ein nod yw gwneud ymchwil gofal cychwynnol o ansawdd uchel sy'n cael effaith ar ymarfer clinigol a pholisi iechyd.  Rydym yn rhan graidd o Sefydliad Ymchwil Iechyd a Meddygol Bangor.

Meysydd strategol

Ein prif feysydd strategol yw:

• Canser mewn gofal cychwynnol (e.e. cyswllt treial 'ThinkCancer!')
• Gofal lliniarol yn y cartref ac yn y gymuned (e.e. cyswllt CARiAD)
• Arloesedd digidol (cyswllt REMEDY) ac ymchwil ymgynghori
• Ymchwil eilaidd – (Y Ganolfan Dystiolaeth)

Mae ein prif ganolfan ar y campws yn Wrecsam yng ngogledd-ddwyrain Cymru, er bod rhai o'n staff wedi'u lleoli ym Mangor.
Rydym yn gweithio'n agos gyda:

• Clinigwyr, yn lleol o fewn Bwrdd Iechyd Prifysgol Betsi Cadwaladr, ac mewn mannau eraill
• Iechyd Cyhoeddus Cymru
• Llywodraeth Cymru
• Ymchwilwyr blaenllaw mewn canolfannau a sefydliadau ym Mhrifysgol Bangor
• Ymchwilwyr blaenllaw mewn prifysgolion ym Mhrydain ac yn rhyngwladol

Arbenigedd methodolegol

Mae gennym arbenigedd methodolegol mewn nifer o feysydd. Rydym yn cynnal synthesisau tystiolaeth (gan gynnwys synthesiau realaidd), hap-dreialon, astudiaethau epidemiolegol ac astudiaethau ansoddol. Rydym yn lletya meddygon dan hyfforddiant (cofrestryddion academaidd meddygaeth teulu a meddygon academaidd Blwyddyn Sylfaen 1).

Mae gennym daflwybr cynyddol o incwm grant allanol a adolygir gan gymheiriaid, a enillwyd yn gystadleuol trwy gystadleuaeth genedlaethol. Cyhoeddir ein gwaith mewn cyfnodolion o ansawdd uchel a adolygir gan gymheiriaid gyda nifer sylweddol o ddarllenwyr clinigol. Mae gennym raglen o hyfforddiant rheolaidd, seminarau a gweithdai, a rhaglen PhD weithredol.

Darpar Fyfyrwyr PhD

Rydym yn croesawu ceisiadau gan ddarpar fyfyrwyr PhD.