Canolfan Ymyrraeth Gynnar ar Sail Tystiolaeth - CEBEI

Cenhadaeth y Ganolfan Ymyrraeth Gynnar ar Sail Tystiolaeth yw darparu cyfraniadau defnyddiol at y sylfaen dystiolaeth i adnoddau ac ymyriadau, sy'n cefnogi ymyrraeth gynnar i blant a theuluoedd. Mae hyn yn galluogi gweithwyr proffesiynol ym maes iechyd, gofal cymdeithasol ac addysg i wneud dewisiadau gwybodus am yr hyn sy'n gweithio, wrth helpu teuluoedd.

Rydym yn gweithio i hyrwyddo’r sylfaen dystiolaeth ar gyfer ymyrraeth gynnar gyda phlant/teuluoedd drwy ofyn y cwestiynau canlynol:

• Beth sydd yn gweithio?
• I bwy mae'n gweithio?
• Sut a pham mae'n gweithio?

Rydym yn cynnal ymchwil ar y cyd â sefydliadau partner sy'n gweithio'n uniongyrchol gyda rhieni i wella profiadau plentyndod, gan gynnwys awdurdodau lleol, sefydliadau addysg, iechyd a gofal cymdeithasol. Cyllidir yr ymchwil gan gyrff dyfarnu grantiau gan gynnwys NIHR, Sefydliad Nuffield, Horizon 2020, Ysgoloriaethau Sgiliau’r Economi Gwybodaeth (KESS) a CEIT.

Rydym yn gweithio'n agos gydag elusen, y Children’s Early Intervention Trust (CEIT) a'i is-gwmni hyfforddi, Early Intervention Wales Training (EIWT), i uwchsgilio gweithwyr proffesiynol drwy gyflwyno hyfforddiant i ymyriadau gyda thystiolaeth o effeithiolrwydd.

Mwy am ein hymchwil