Hoffech chi ymuno â thîm Telethon Cronfa Bangor?

Ydych chi'n chwilio am swydd ran amser ac sy'n sicr o edrych yn dda ar eich CV? Dyma gyfle gwych i ennill £13.45 yr awr yn gweithio fel Galwr Telethon Cronfa Bangor.

Mae’r Swyddfa Datblygu a Chysylltiadau Alumni yn awyddus iawn i dderbyn ceisiadau gan ein myfyrwyr presennol brwdfrydig yn eu hail a thrydedd flwyddyn o astudiaethau israddedig ac ôl-raddedig.

Rydym yn chwilio am unigolion sy'n frwdfrydig am Fangor, yn glir ar lafar, yn hyderus, yn llawn perswâd, yn gyfeillgar, yn ddeinamig, yn weithgar ac yn ddibynadwy, ac os ydych chi'n meddwl eich bod yn ateb y diben, e-bostiwch eich cais wedi'i lenwi at cronfabangorfund@bangor.ac.uk.

Y SWYDD:

Ffonio cyn-fyfyrwyr (graddedigion) Bangor i siarad â nhw am eu profiad yma, a gofyn iddynt gefnogi Cronfa Bangor gyda rhodd
Gwneud cysylltiad personol, bod yn wyneb Prifysgol Bangor a dod â chyn-fyfyrwyr yn ôl i'r brifysgol trwy'r alwad
Mae rhoddion gan gyn-fyfyrwyr wedi ariannu, er enghraifft, ysgoloriaethau a bwrsariaethau, interniaethau, grantiau teithio, darpariaeth chwaraeon a gweithgareddau iaith Gymraeg a diwylliannol. Bydd angen i chi ddefnyddio'ch profiad eich hun neu gyd-fyfyriwr i ddod â hyn yn fyw ar y ffôn

Y MANTEISION:

Tâl deniadol o £13.45 yr awr!
Gwella eich sgiliau i'w hychwanegu at eich CV - byddwch chi'n dysgu sut i drafod, gwella eich sgiliau cyfathrebu, gweithio fel rhan o dîm a llawer mwy
Hyfforddiant llawn a chefnogaeth
Cyfle i siarad â rhai pobl wirioneddol ddiddorol, ysbrydoledig a dylanwadol
Codi arian ar gyfer projectau gwych ar draws Prifysgol Bangor
Gweithio o gwmpas eich ymrwymiadau prifysgol - shifftiau gyda'r nos a'r penwythnos
Rydyn ni'n cynnal dwy ymgyrch y flwyddyn, felly mae posibilrwydd i gael gwaith cyson

GOFYNION:

Agwedd aeddfed gyfrifol, gan fod yn brydlon a dibynadwy tu hwnt
Yn hynod o glir ar lafar, gyda ffordd wych ar y ffôn
Y gallu i ymwneud ag ystod fawr o bobl a chyfathrebu â nhw - sgiliau gwrando da a safon uchel o Saesneg llafar ac ysgrifenedig ac, i rai aelodau o'r tîm, hefyd y gallu i gyfathrebu i safon uchel o Gymraeg ysgrifenedig a llafar
Dyfalbarhaus, creadigol a hyblyg - yn gallu troi pethau negyddol yn gadarnhaol, a thrafod i gael canlyniadau y cytunir arnynt
Brwdfrydig ac angerddol am Fangor - yn hapus i siarad am eich gwybodaeth am y brifysgol a'ch adran
Byddwch chi'n unigolyn diddorol iawn, yn fedrus mewn sawl maes, ac yn gallu cynnal sgyrsiau difyr - caiff cymryd rhan mewn clybiau a chymdeithasau Prifysgol Bangor ei ystyried yn ddefnyddiol, ond nid yw hynny'n hanfodol
Er nad yw'n hanfodol, byddwn yn falch o glywed a ydych chi'n siarad unrhyw ieithoedd eraill yn ogystal â'r Saesneg

RHAID I CHI ALLU DOD I'R CANLYNOL:

Sesiynau recriwtio- Os cewch eich rhoi ar y rhestr fer, fe'ch gwahoddir i ffug brawf ffôn ac os ydych chi'n llwyddiannus, gofynnir i chi ddod am gyfweliad.

Sesiwn hyfforddi - bydd yr hyfforddiant yn cael ei drefnu cyn i'r ymgyrch ddechrau.

Ffonio- diwrnod cyntaf y galw fydd dydd Llun, 17 Mawrth 2025, a chynhelir yr ymgyrch am 4 wythnos tan ddydd Sul, 13 Ebrill 2025

Er gwybodaeth i chi, dyma'r shifftiau:

O ddydd Llun i ddydd Iau o 6yh tan 9yh

dydd Sul, 3:30yh tan 6:30yh

Telethon Cronfa Bangor

Dysgwych fwy

Mae ein hymgyrchoedd telethon yn cynnig cyfle cyffrous i fyfyrwyr chwarae rhan allweddol yn y gwaith o fynd ar ofyn cyn-fyfyrwyr Prifysgol Bangor am gyfraniadau dyngarol. Trwy gydol pob ymgyrch, rydym yn cysylltu â chyn-fyfyrwyr i roi gwybod iddynt am y newyddion diweddaraf o’r brifysgol ac am ddigwyddiadau sydd ar y gweill, a’u hannog i gefnogi ein myfyrwyr a'n staff trwy gyfrannu mewn amrywiol ffyrdd. Mae'r cyfraniadau hyn yn helpu i ariannu ystod eang o fentrau yn y brifysgol, gan gynnwys bwrsariaethau, grantiau i fynd ar leoliad, projectau ymchwil, clybiau a chymdeithasau Undeb y Myfyrwyr, a llawer mwy o brojectau sydd o gymorth i wella profiad myfyrwyr.

Y tu hwnt i godi arian, mae'r ymgyrch ffôn yn ffordd werthfawr iawn i Brifysgol Bangor gadw cysylltiad â chyn-fyfyrwyr a meithrin perthynas hirhoedlog â nhw. Mae cyn-fyfyrwyr yn gwerthfawrogi clywed am fywyd myfyrwyr Bangor heddiw a chael hel atgofion am eu profiadau eu hunain yn y brifysgol.

Mae croeso i chi anfon e-bost Tîm Telethon Cronfa Bangor os hoffech chi sgwrsio ag un o'n cydweithwyr am y swydd.

Rwy’n mwynhau siarad â’n cyn-fyfyrwyr yn fawr. Mae gan bawb straeon mor hwyliog ac unigryw ac mae’n gymaint o bleser cael y cyfle i glywed am eu hamser a’u hatgofion o Fangor.

Byddwn i wrth fy modd yn parhau â’m rôl yn gwneud galwadau ffôn ar yr ymgyrch telethon. Diolch i chi am eich cefnogaeth yn ystod ymgyrch yr hydref, rwy'n teimlo bod fy hyder wedi cynyddu ac mae'n wych bod yn rhan o dîm mor hyfryd a gwybod ein bod yn codi arian ar gyfer rhywbeth mor bwysig!

Rwy’n fyfyriwr rhyngwladol, ac rwyf wrth fy modd yn clywed am brofiadau’r cyn-fyfyrwyr yma ym Mangor. Cyfarfu’r rhan fwyaf ohonynt â phobl o bob rhan o’r byd ac mae’n ddiddorol iawn clywed sut mae rhai yn dal mewn cysylltiad ac yn cyfarfod yn rheolaidd. Gobeithio y byddaf innau’n cadw mewn cysylltiad gyda fy ffrindiau o Fangor hefyd.