Dod o hyd i'r cwrs i chi drwy Clirio Lleoedd Clirio Cyfrifiadureg ym Medi 2024
Nid yw'n rhy gynnar i edrych drwy ein rhestr o gyrsiau Cyfrifiadureg israddedig fel eich bod yn barod os byddwch yn ffeindio eich hun yn y system Glirio. Noder os gwelwch yn dda, bydd y cyrsiau sydd ar gael trwy Clirio wedi cael eu marcio yn glir ar ein gwefan o fis Gorffennaf.
Pryd mae Clirio?
Mae Clirio yn cychwyn ar ddydd Mercher, 5 Gorffennaf 2024.
Pwy all wneud cais drwy Clirio?
Efallai byddwch yn cael eich ystyried fel rhywun sydd yn rhan o’r broses Clirio oherwydd un o’r rhesymau canlynol:
- ar ddiwrnod canlyniadau Lefel-A, nid ydych wedi cyflawni gofynion mynediad eich prifysgol sy’n ddewis cadarn gennych na’r brifysgol sy’n ddewis wrth gefn.
- ar ddiwrnod canlyniadau, rydych wedi cyflawni gofynion eich prifysgol sy’n ddewis cadarn gennych neu’r brifysgol sy’n ddewis wrth gefn ond rydych wedi newid eich meddwl ac eisiau mynd i brifysgol arall. Yn yr achos yma, byddwch angen ‘rhyddhau eich hun' fel eich bod yn gallu dod yn rhan o’r broses Clirio.
- nid ydych wedi gwneud cais i unrhyw brifysgol ar gyfer mis Medi yma ac rydych yn dymuno gwneud cais trwy Clirio am gwrs sy'n cychwyn yn yr hydref.