Dulliau o Sicrhau Ansawdd ym maes Iechyd NHS-4379 - Mynediad yn

 cod modiwl:(NHS-4379)

Mae hwn yn gwrs byr rhan-amser, lefel 7 ol-raddiedig a gyflwynir ar-lein.

I bwy mae’r cwrs hwn yn addas? 

Mae'r cwrs byr hwn wedi'i fwriadu ar gyfer gweithwyr meddygol a gofal iechyd proffesiynol sy'n gyfrifol am ofal, ansawdd a diogelwch cleifion. 

Bydd y cwrs hwn o ddiddordeb i feddygon, fferyllwyr, nyrsys, ffisiotherapyddion, radiograffwyr, a holl weithwyr proffesiynol perthynol i iechyd o broffesiynau eraill. 

Pam astudio’r cwrs? 

Nod y modiwl hwn yw rhoi cyfle i fyfyrwyr werthuso'n feirniadol gysyniad ansawdd o fewn gofal iechyd, a sylfeini gwahanol ddulliau o wella ansawdd.  

Yn ystod y modiwl hwn bydd myfyrwyr yn datblygu dealltwriaeth gynhwysfawr o’r ymchwil berthnasol a dulliau ysgolheigaidd y gellir eu cymhwyso i wella ansawdd mewn gofal iechyd a gwybodaeth ymarferol am sut y gallai hynny arwain at wella prosesau a deilliannau gwasanaethau a datblygu ymarfer, polisi/syniadau ymchwil. Bydd hyn yn eich galluogi i hyrwyddo gwelliannau mewn lleoliad gofal iechyd modern. 

Bydd myfyrwyr yn cael eu haddysgu i gymhwyso dulliau priodol ar gyfer datblygu meddwl ac ymarfer o fewn cyd-destun her ansawdd gofal iechyd sy'n berthnasol i flaenoriaethau eich sefydliad, a dysgu sut i ddatrys materion trefniadol ac ymarfer cymhleth i yrru gwelliannau ansawdd mewn ymarfer ymlaen. 

Pa mor hir mae'n ei gymryd i gwblhau'r cwrs? 

Mae’r cwrs byr hwn wedi’i ymestyn dros 6 wythnos ac yn dechrau ddydd Mercher 17 Ionawr 2024  

Bydd myfyrwyr yn astudio'r cwrs hwn am ddiwrnod yr wythnos (dydd Mercher) rhwng 9am a 5pm. 

Tiwtor

Carol Westwell 

 

 

 

 

Mae Carol yn Ddarlithydd Nyrsio Oedolion ac yn Arweinydd Rhaglen ar gyfer y rhaglen ran amser Baglor mewn Nyrsio, yn ogystal â Chyd-Ddirprwy ar gyfer yr MSc mewn Arwain Gwelliannau Ansawdd ac arweinydd modiwl ar gyfer y Modiwl Dulliau o Sicrhau Ansawdd.  

Mae gan Carol 34 mlynedd o brofiad yn system Gofal Iechyd Cymru; fel nyrs brofiadol ac ymchwilydd gwasanaethau iechyd mewn arweinyddiaeth a gwelliannau ansawdd mewn ymarfer. 

Beth fyddwch chi’n ei astudio ar y cwrs yma?

Nod y modiwl hwn yw cyflwyno myfyrwyr i’r dulliau, y fframweithiau a’r offer i hybu ansawdd a gwelliannau i ansawdd o fewn gofal iechyd a’r prif ysgogwyr a’r rheoliadau mewn perthynas â’r GIG, fel y gallant gymhwyso’r rhain yn effeithiol o fewn y lleoliad ymarfer. 

Mae'r modiwl hwn yn cyflwyno'r cysyniad o ansawdd mewn gofal iechyd fel cysyniad damcaniaethol ac fel nodwedd sylfaenol o'r gwasanaethau iechyd a gofal iechyd. Gan gwmpasu tair thema: effeithiolrwydd, effeithlonrwydd a derbynioldeb, byddwn hefyd yn archwilio sut mae ansawdd gofal iechyd yn cael ei ddylanwadu a sut y gellir ei fesur a'i werthuso'n effeithiol. Gan ddefnyddio amrywiaeth o ddamcaniaethau a thystiolaeth, mae'r modiwl hefyd yn archwilio'r gwahanol ddulliau o wella ansawdd o fewn gofal iechyd

  Bydd y modiwl yn trafod y pynciau canlynol, ymhlith pethau eraill:  

• Ansawdd mewn iechyd a gofal cymdeithasol, safbwyntiau damcaniaethol ac ymarfer. 
• Archwilio ysgogwyr allanol a dylanwadau cyd-destunol sy'n llywio mabwysiadu gwahanol ddulliau o wella, a sut mae heriau ansawdd yn cael eu fframio. 
• Materion deddfwriaethol, llywodraethu a phroffesiynol o ran ansawdd a gwella gwasanaethau. 
• Gwerthuso gwelliant. 
• Elfennau gwella a rheoli perfformiad 
• Ymarfer ar sail tystiolaeth a dulliau gweithredu. 
• Sicrhau gwelliant: Cydgynhyrchu a dulliau eraill a ddefnyddir i gyflawni ymarfer gorau. 
• Safbwyntiau'r Deyrnas Unedig ac yn rhyngwladol ar wella ansawdd a gwasanaethau 

Ewch i dudalen Ffioedd a Chyllid Ôl-raddedig er mwyn cael gwybodaeth bellach.

Gall ysgoloriaethau fod ar gael ar gyfer y Cwrs Byr hwn, cysylltwch â'r tîm i drafod ymhellach.

Sut i wneud cais

Gwnewch yn siŵr eich bod yn darllen ac yn dilyn y canllaw cais cam wrth gam gan y bydd hyn yn nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano ac arbed amser i chi.

Paratowch y wybodaeth ganlynol (mewn dogfen Word):

• Manylion cyflogaeth cyfredol;
• Blynyddoedd o brofiad, a hanes cyflogaeth (lle bo hynny'n berthnasol)
• Enw'r aelod staff a'r sefydliad sydd wedi cymeradwyo eich cyllid ar gyfer y modiwl hwn.

Bydd hyn yn cyflymu'r broses o lenwi'r ffurflen gais.