Ynglŷn â’r Cwrs Yma
Mae graddau ymchwil yn rhoi cyfle unigryw i fyfyrwyr ddatblygu rhaglen ymchwil annibynnol a fydd yn cyfrannu at wybodaeth yn eu maes proffesiynol, a rhoi cyfleoedd unigryw i ddatblygu'n bersonol a datblygu gyrfa.
Mae Heneiddio a Dementia@Bangor a'r Ganolfan Datblygu Gwasanaethau Dementia (DSDC) yn canolbwyntio ar ymchwil yn ymwneud â phobl sy'n byw gyda dementia. Cynhelir ymchwil ar lefel leol a chenedlaethol yng Nghymru gyda'r ganolfan ymchwil ym Mangor yn arwain Rhwydwaith Ymchwil Dementia a Chlefydau Niwroddirywiol Cymru (NEURODEM Cymru) ond ceir cysylltiadau cydweithio cryf hefyd gydag ymchwilwyr ar draws y DU, Ewrop a rhannau eraill o’r byd. Mae’r DSDC yn ymwneud ag ystod eang o weithgareddau ymchwil am heneiddio a dementia, a gellir dosbarthu’r rhain yn fras i’r categorïau a ganlyn: (i) gofal dementia (yn cynnwys afiechyd Alzheimer, gofal gan deuluoedd ac ymyriadau seicogymdeithasol);(ii) gerontoleg; a (iii) lles a gwytnwch gydol oes.
Hyd y Cwrs
3 blynedd yn llawn-amser; 5 mlynedd yn rhan-amser.
Cynnwys y Cwrs
Beth fyddwch chi’n ei astudio ar y cwrs yma?
Gofynion Mynediad
Mae angen gradd anrhydedd dosbarth cyntaf neu ail ddosbarth uwch mewn pwnc perthnasol. Neu gall profiad hir a phriodol mewn ymchwil sy'n gysylltiedig ag iechyd neu mewn swydd sy'n canolbwyntio ar ymchwil fod yn berthnasol. Safon iaith Saesneg - gofynnwn am sgôr IELTS o 7.0 neu uwch (heb unrhyw elfen unigol yn is na 7.0).
