Ynglŷn â’r Cwrs Yma
Trwy astudio'r MA hwn bydd gennych gyfleoedd i ennill achrediad fel athro dyslecsia arbenigol a gymeradwywyd gan Gymdeithas Dyslecsia Prydain (BDA) ac i ennill achrediad fel aseswr dyslecsia cymeradwy (Aelod Cyswllt o Gymdeithas Dyslecsia Prydain gyda Thystysgrif Ymarfer Asesu). Drwy astudio’r modiwlau gwahanol a gynigir yn rhan o’r cwrs, byddwch yn dysgu am y gwaith damcaniaethol sy’n sail i’n dealltwriaeth o Anawsterau Dysgu Penodol a Dyslecsia. Byddwch hefyd yn datblygu sgiliau ymarferol wrth ddysgu myfyrwyr â dyslecsia ac wrth asesu ar gyfer dyslecsia.
Bydd cwblhau modiwlau perthnasol yn llwyddiannus yn galluogi myfyrwyr i ennill yr achrediad canlynol gan Gymdeithas Dyslecsia Prydain: Statws Athro Achrededig mewn Anawsterau Dysgu Penodol/Dyslecsia, dod yn Aelod Cyswllt o Gymdeithas Dyslecsia Prydain, a sicrhau Tystysgrif Ymarfer Asesu ar gyfer Asesu Dyslecsia.
Bydd y cymwysterau hyn a'r achrediad proffesiynol yn eich galluogi i addysgu ac asesu dysgwyr â dyslecsia, a gallant hefyd arwain at lwybrau gyrfa newydd ac arbenigedd yn y meysydd hyn.
Byddwch hefyd yn ennill cymhwyster academaidd ffurfiol yn y cwrs MA mewn Astudiaethau Addysg trwy gwblhau cydrannau Dulliau Ymchwil a Thraethawd Hir y cwrs.
Yn anffodus ni allwn dderbyn ceisiadau gan fyfyrwyr rhyngwladol ar gyfer y cwrs hwn.
Pam Dewis y Cwrs Hwn?
- Dull Astudio Hyblyg: Mae’n ddelfrydol i weithwyr proffesiynol prysur gyda fformat o ddim ond pum penwythnos o ddysgu yn y cnawd y flwyddyn.
- Cydnabyddiaeth Arbenigol: Dod yn arbenigwr cydnabyddedig mewn dyslecsia.
- Cynnydd mewn Gyrfa: Eich arfogi gyda sgiliau a gwybodaeth uwch i wella eich ymarfer a rhagolygon gyrfa.
- Amgylchedd Dysgu Cefnogol: Astudio mewn awyrgylch cyfeillgar gyda chyfoedion ac arbenigwyr ym maes dyslecsia ac ymchwil.
- Cefnogaeth ac Adnoddau Cynhwysfawr: Cewch gefnogaeth gan diwtor personol pwrpasol, gwasanaethau ehangach i gefnogi myfyrwyr, a defnyddio’r adnoddau amrywiol sydd ar gael trwy Brifysgol Bangor.
Cynnwys y Cwrs
Beth fyddwch chi’n ei astudio ar y cwrs yma?
Gall modiwlau gynnwys:
- Egwyddorion a Methodoleg Addysgu Dysgwyr Dyslecsig
- Cefndir Damcaniaethol Dyslecsia
- Egwyddorion Asesu Dyslecsia
- Dulliau Ymchwil
- Traethawd hir
Syniad bras o'r modiwlau yn unig sydd yma a gallai pethau newid.
Gofynion Mynediad
Mae’n rhaid bod gan ymgeiswyr naill ai radd gyntaf, cymhwyster cyfatebol cydnabyddedig, neu o leiaf dair blynedd o brofiad proffesiynol perthnasol. Gofynnir i ymgeiswyr roi enw canolwr a all dystio i allu’r ymgeisydd i astudio ar lefel Meistr. Yn achlysurol gellir gofyn i ymgeiswyr ddod am gyfweliad cyn y gellir cadarnhau cynnig o le iddynt. Gall rhai modiwlau bennu gofynion mynediad penodol ychwanegol, er enghraifft, profiad blaenorol o addysgu.
Gyrfaoedd
Mae'r rhan fwyaf o fyfyrwyr ar y cwrs hwn yn athrawon gweithredol, cwnselwyr neu weithwyr cymdeithasol y mae cymhwyster lefel Meistr yn ffordd wych o ddatblygu eu gyrfaoedd. Gyda dewis rhydd o fodiwlau, gallwch ddewis y meysydd pwnc sy'n berthnasol i'r gwaith rydych eisoes yn ei wneud, neu i'r gwaith rydych chi'n anelu at ei wneud. Bydd y radd Meistr ran-amser hon mewn Astudiaethau Addysg yn rhoi’r hyder a’r gallu i chi ysgwyddo cyfrifoldebau newydd, neu i ddechrau cyfeiriad hollol wahanol yn eich gyrfa.
Gwneud Cais
We regret that we are unable to accept applications from international students for this course.
Home/EU students: apply online yourself with the help of our Guidance Notes on online application for Home/EU students. We strongly recommend you read these before you start to apply online.
Once you have read the Guidance Notes you should apply using our Online Application form.
Need help applying? Home/EU students please contact:
Postgraduate Admissions: postgraduate@bangor.ac.uk or write to:
Admissions Office
Bangor University
Gwynedd
LL57 2DG
Telephone: +44 (0)1248 388484
