Ynglŷn â’r Cwrs Yma
Gyda chefnogaeth y datblygiadau diweddaraf mewn iechyd menywod, bydwreigiaeth a gofal mamolaeth, bydd y cwrs newydd cyffrous hwn o ddiddordeb i fydwragedd cymwysedig a gweithwyr proffesiynol gofal iechyd mewn meysydd perthnasol eraill. Bydd y rhaglen hon yn herio bydwragedd i edrych yn feirniadol ar sut y gallant weithio i sicrhau bod menywod a'u teuluoedd yn cael y profiad gorau wrth roi genedigaeth gan ganolbwyntio'n arbennig ar atal cenhedlu a materion iechyd cysylltiedig.
Bydd gan raddedigion y rhaglen hon nid yn unig y gallu i adfyfyrio ar ymarfer proffesiynol i wella hunanymwybyddiaeth a datblygiad proffesiynol ond hefyd y sgiliau a'r sylfaen wybodaeth i ddadansoddi'n feirniadol a gwerthuso’r ddarpariaeth gofal mamolaeth er mwyn nodi meysydd i'w datblygu.
Cynnwys y Cwrs
Beth fyddwch chi’n ei astudio ar y cwrs yma?
Bydd myfyrwyr yn datblygu dealltwriaeth feirniadol o rôl y fydwraig wrth wella iechyd a lles a’r sgiliau sydd eu hangen i wneud y gorau o’r profiad geni. Bydd myfyrwyr yn datblygu eu sgiliau ymhellach wrth weithio gyda ac ar gyfer menywod a chymunedau i wneud y gorau o'r profiad geni, hyrwyddo a diogelu cydraddoldeb, amrywiaeth a hawliau unigolion.
Mae modiwlau nodweddiadol yn y gorffennol wedi cynnwys:
- Optimeiddio Geni Plant
- Atal Cenhedlu ac Iechyd Cysylltiedig
- Un modiwl arall o'r MSc Astudiaethau Bydwreigiaeth
Sylwch y gall modiwlau newid.
Gofynion Mynediad
I gael eich ystyried ar gyfer mynediad i'r rhaglen, dylech fod wedi eich cofrestru fel Bydwraig neu'n meddu ar gymhwyster gofal iechyd perthnasol arall yn eich gwlad eich hun gyda gradd dosbarth 2 (ii) neu uwch. Fel arall, cewch eich ystyried os ydych yn meddu ar gymhwyster a phrofiad gwaith addas.
Myfyrwyr Rhyngwladol: Mae'r cwrs hwn yn rhan-amser felly nid yw'n agored i fyfyrwyr tramor (nad ydynt yn ddinasyddion yr Undeb Ewropeaidd).
