Digwyddiad Contractwyr - Prifysgol Bangor – Gwaith Tirlunio Parc y Coleg, Lôn Deiniol, Bangor

Trosolwg o'r Project

Mae Parc y Coleg yn fan gwyrdd pwysig wrth droed Prif Adeilad y Celfyddydau Prifysgol Bangor, sy’n cysylltu’r brifysgol â’r ddinas, ond mae wedi cael ei esgeuluso a heb gael digon o ddefnydd. Yn hanesyddol, mae’r parc wedi cael ei drin fel llecyn ar wahân gyda’i ddefnydd a’i ddiben yn aneglur. Y weledigaeth i Barc y Coleg yw ei wneud yn lle mwy croesawgar i bawb ei fwynhau. Rydym yn bwriadu agor yr ardal hon a chreu man gwyrdd croesawgar yn ninas Bangor. Gyda chyfleusterau newydd, gallai Parc y Coleg gael ei drawsnewid yn barc addysg ac adloniant llawn bywyd a chyffro.

Gwaith Arfaethedig 2024

Mae’r cynigion cychwynnol ar gyfer Parc y Coleg wedi eu cynllunio i helpu gwireddu’r weledigaeth ar gyfer y tir gwyrdd pwysig hwn. Mae ein cynigion yn cynnwys cyfres o ymyriadau yn yr ardal gyda’r nod o wella diogelwch a hygyrchedd yn ogystal ag annog mwy o bobl i ymweld â’r parc.

Dyma rai o’r prif welliannau i seilwaith y parc:

•    Creu llwybr hygyrch newydd ar draws y parc sy’n cysylltu ag Adeilad Pontio;
•    Creu mynedfa newydd fwy diogel oddi ar Ffordd Deiniol sy’n cysylltu â chanol y ddinas;
•    Creu lawntiau defnyddiol i annog gweithgareddau newydd, digwyddiadau ar raddfa fach, lle i ymlacio a dysgu yn yr awyr agored;
•    Goleuadau newydd i wella diogelwch ar ôl iddi nosi;
•    Rheoli a theneuo’r llystyfiant presennol yn ddetholus i agor y golygfeydd a gwell diogelwch ar hyd y llwybrau troed.

Digwyddiad Contractwyr

Hoffai Prifysgol Bangor a phartneriaid y project wahodd contractwyr â diddordeb i ymweld â Parc y Coleg ym Mangor i drafod y cynlluniau a gofynion y broses dendro.
Os hoffech ddod i’r Digwyddiad Contractwyr, llenwch y ffurflen ar-lein a’i dychwelyd at Olivia Cahill, Gweinyddwr Caffael cyn 20 Mai 2024. Dim ond i ganfod nifer tebygol y cwmnïau fydd yn dod y defnyddir y wybodaeth hon.

Amserlen Caffael

Mae'r amserlen gaffael fras ar gyfer y gwaith adnewyddu wedi'i chynnwys isod.

Cynlluniau

LANDSCAPE MASTER PLAN

Hard and Soft Landscape Plan 1

Hard and Soft Landscape Plan 2

Hard and Soft Landscape Plan 3

Site Location Plan

Existing Site Plan

Tree Removal Plan

Planting Schedules

Site Sections