Llongyfarchiadau ar eich cynnig i astudio ym Mhrifysgol Bangor
Llongyfarchiadau ar eich cynnig i astudio un o’n rhaglenni Iaith Saesneg ac Ieithyddiaeth yma ym Mhrifysgol Bangor. Rydym yn edrych ymlaen at eich croesawu chi i'n cymuned. Er mwyn eich helpu chi ddod yn gyfarwydd â ni cyn mis Medi, rydym wedi llunio rhai adnoddau i roi mwy o wybodaeth i chi.
Cofiwch ddilyn ni ar gyfryngau cymdeithasol i gael yr holl ddiweddariadau, newyddion a digwyddiadau ar y gweill. Edrychwn ymlaen at eich cwrdd yn fuan a dymunwn y gorau i chi wrth i chi baratoi ar gyfer eich astudiaethau.
Beth i'w ddisgwyl fel myfyriwr Iaith Saesneg ac Ieithyddiaeth
Mae ein cyrsiau yn cael eu haddysgu gan academyddion sydd gyda'r gorau yn y byd, ac yn angerddol am eu pynciau. Byddwch yn dysgu gan arbenigwyr sydd ar flaen y gad yn eu meysydd, a bydd gennych fynediad at gyfoeth o adnoddau i gefnogi eich astudiaethau. Mae ein tîm ymroddedig o academyddion nid yn unig yn wybodus ond hefyd yn angerdd.
Rydym wedi ymrwymo i ddarparu amgylchedd cefnogol a chynhwysol i'n holl fyfyrwyr. Mae gennym dîm ymroddedig o staff sydd yma i'ch helpu gyda'ch astudiaethau ac i sicrhau eich bod yn cael profiad cadarnhaol ym Mangor.
Gwyliwch ein fideo
Llongyfarchiadau ar gael lle i astudio gyda ni ym Mhrifysgol Bangor. Fy enw i ydi Peredur Webb-Davies a dwi'n Darlithio mewn Ieithyddiaeth.
Dwi'n rhan o adran lle mae pawb yn astudio Ieithyddiaeth - Linguistics, neu Iaith Saesneg neu Ddwyieithrwydd. Da ni o dan ysgol fwy lle mae pawb yn yr ysgol yn astudio Iaith, Diwylliant a helfyddydau.
Fel myfyriwr efo ni yn enwedig yn y flwyddyn gyntaf mi fyddi di yn dysgu am beth ydi iaith a sut mae iaith yn cael ei ddefnyddio. Fyddi di yn edrych ar amrywiaeth iaith, hanes iaith a manylion gramadeg iaith, sut i ddisgrifio strwythur geiriau a sain iaith.
Mae Bangor yn le gwych i astudio mai'n ddinas fach a chyfeillgar ac mae wrth gwrs yn ddwyieithog a Chymreig iawn. Felly da ni'n edrych ymlaen iawn i dy weld di yma yn fuan. Llongyfarchiadau eto a hwyl fawr.
Cwestiynau Cyffredin
Mewn wythnos arferol, bydd gennych gydbwysedd o ddysgu strwythuredig a hyblyg, gydag 8-12 o oriau cyswllt ym mlwyddyn 1 a 2, ynghyd ag amser ychwanegol ar gyfer astudio annibynnol. Yn ogystal â sesiynau wedi eu hamserlennu, byddwch yn gallu cyfarfod â chyd-fyfyrwyr gyda diddordebau tebyg (fel Cymdeithas Ieithyddiaeth Bangor), yn ogystal ag aelodau staff yn ystod eu horiau swyddfa.
Gall oriau cyswllt amrywio pob wythnos yn dibynnu ar eich cwrs penodol, eich blwyddyn astudio a chyfuniad y darlithoedd, seminarau, tiwtorialau a sesiynau ymarferol. Ar gwrs gradd Iaith Saesneg ac Ieithyddiaeth arferol, mae myfyrwyr fel arfer yn cael tua 8-12 o oriau cyswllt bob wythnos yn eu blwyddyn gyntaf a'u hail flwyddyn.
Na, nid oes rhaid bod yn rhugl mewn ail iaith fel arfer, ond gall fod yn fuddiol, yn enwedig i raglenni TEFL. Mae llawer o raglenni ieithyddiaeth yn cynnwys cyrsiau iaith rhagarweiniol neu fodiwlau a all helpu myfyrwyr i ddeall gwahanol strwythurau ieithyddol yn well.
Gall graddedigion fynd i weithio mewn llawer o wahanol feysydd, gan gynnwys cyfieithu, ymchwil ieithyddiaeth, cyhoeddi, therapi lleferydd, geiriaduraeth, ysgrifennu cynnwys, cyfathrebu, y cyfryngau, addysgu (TEFL, TESOL) a chwmnïau technoleg sy'n arbenigo mewn prosesu iaith naturiol (NLP). Bydd y radd yn eich arfogi gydag amrywiaeth eang o sgiliau sy'n ofynnol mewn llawer o wahanol lwybrau gyrfa - ymhell y tu hwnt i'r rhai sy'n ymwneud yn uniongyrchol ag iaith Saesneg ac ieithyddiaeth.
Cwrdd â rhai o'ch darlithwyr
Dr Peredur Webb-Davies
Bod y fath beth a 'siarad yn gywir'. Cyn belled a bod rhywun yn gallu cael ei ddeall, yna sut bynnag maen nhw'n siarad - dim ots pa mor safonol neu ffurfiol, neu i'r gwrthwyneb - maen nhw'n siarad yn gywir. Ond mae llawer o bobl (tu allan i ieithyddiaeth, wrth gwrs!) yn credu bod rhywbeth gwell am siarad gan ddefnyddio gramadeg safonol, er enghraifft; y gwirionedd yw mai dim ond un ffurf ar iaith ydi hwnnw, yn briodol ar gyfer rhai sefyllfaoedd ond nid pob un.
Rydw i'n hoffi agor llygaid pobl i amrywiaeth iaith ac i'r holl ffyrdd gwahanol mae pobl yn defnyddio iaith fel Saesneg neu Gymraeg. Mae darganfod a thrafod y rhesymau pam mae pobl yn siarad yn wahanol yn ddiddorol iawn hefyd.
- Diddorol
- Pwysig
- Agor llygaid
