Fy ngwlad:

Llongyfarchiadau ar eich cynnig o le ym Mhrifysgol Bangor

Llongyfarchiadau ar gael eich derbyn i'n rhaglen Radiograffeg! Rydym yn falch o'ch croesawu i'n cymuned. I'ch helpu i ddod yn gyfarwydd â ni cyn i chi ddechrau ym mis Medi, rydym wedi llunio rhai adnoddau i fynd i'r afael â chwestiynau cyffredin a darparu gwybodaeth werthfawr.

Cadwch mewn cysylltiad â ni ar y cyfryngau cymdeithasol i gael y newyddion a'r digwyddiadau diweddaraf. Rydym yn edrych ymlaen at gwrdd â chi cyn bo hir ac yn dymuno'r gorau i chi wrth i chi baratoi ar gyfer eich astudiaethau.

Beth i'w ddisgwyl fel myfyriwr Radiograffeg

Mae ein cwrs Radiograffeg yn cael ei addysgu gan academyddion sydd gyda'r gorau yn y byd a sydd yn angerddol am eu pynciau. Byddwch yn dysgu gan arbenigwyr sydd ar flaen y gad yn eu meysydd, a bydd gennych fynediad at gyfoeth o adnoddau i gefnogi eich astudiaethau.

Bydd myfyrwyr yn rhaglen Radiograffeg Prifysgol Bangor yn cael mynediad at dechnoleg flaengar, gan gynnwys offer efelychu modern a’r system sgiliau ymarferol VR trochi gyntaf yn y DU, gan sicrhau eu bod yn derbyn hyfforddiant ac arbenigedd arloesol.

Rydym wedi ymrwymo i ddarparu amgylchedd cefnogol a chynhwysol i'n holl fyfyrwyr. Mae gennym dîm ymroddedig o staff sydd yma i'ch helpu gyda'ch astudiaethau ac i sicrhau eich bod yn cael profiad cadarnhaol ym Mhrifysgol Bangor.

Gwyliwch ein fideo

Helo, Tom Graham ydw i a fi ydy'r Cyfarwyddwr Ymgysylltu â Myfyrwyr i'r Ysgol Gwyddorau Iechyd yma ym Mhrifysgol Bangor. Faswn i'n licio ymestyn llongyfarchiadau mawr i chi gyd am gael cynnig i astudio gyda ni yma ym Mhrifysgol Bangor.

Mae gennym gyfleusterau hynod o dda yn y Brifysgol. Rydw i'n sefyll rŵan yn un o'n cyfleusterau clinigol ni, i helpu chi yn eich siwrnai i fod yn broffesiynol tuag at y diwedd.

Rydyn ni'n edrych ymlaen at weithio gyda chi fel myfyrwyr. Mae gennym dîm academaidd yma sydd â llwyth o brofiad clinigol i helpu chi yn eich siwrnai fel myfyrwyr i fod yn broffesiynol.

Felly, llongyfarchiadau mawr eto i chi am gael cynnig i ddod i astudio gyda ni yn y Brifysgol. Rydym yn edrych ymlaen at weld chi ym mis Medi. Diolch yn fawr.

Cwrdd â'ch Darlithwyr

Rhys Morris

Mr Rhys Morris

Radiograffeg Diagnostig

Cymhwysais fel radiograffydd diagnostig o Brifysgol Bangor yn 2012 ac roeddwn yn gweithio mewn x-rî a meddygaeth niwclear yn Ysbyty Gwynedd. Ar ôl cwblhau MSc mewn Meddygaeth Niwclear yn University of Salford (2015-2019), ymunais â Phrifysgol Bangor yn 2020 fel Darlithydd mewn Gwyddorau Iechyd – Radiograffeg. Ar hyn o bryd, rwy’n Arweinydd y Rhaglen ar gyfer y cwrs BSc Radiograffeg Diagnostig.

Tom Graham

Tom Graham

Radiograffeg Ddiagnostig

Tom dwi, yn ddarlithydd rhyngbroffesiynol ym maes gwyddorau gofal iechyd. Rwy’n arwain modiwl ymarfer ar sail tystiolaeth ar gyfer Blwyddyn 2 ac yn gwasanaethu fel Cyfarwyddwr Ymgysylltu â Myfyrwyr yn Ysgol y Gwyddorau Iechyd. Gyda chefndir mewn Radiograffeg, gan arbenigo mewn sganio CT, rwy’n edrych ymlaen at eich cyfarfod chi i gyd a gweithio gyda chi wrth i’r modiwl fynd yn ei flaen.

Dilynwch ni ar y cyfryngau cymdeithasol

Dilynwch ni ar y cyfryngau cymdeithasol i gael cipolwg ar fywyd ym Mangor—stori myfyrwyr, digwyddiadau ar y campws, a phopeth sy’n gwneud astudio yma yn Ysgol y Gwyddorau Iechyd yn unigryw!

Achosion Instagram eraill i’w dilyn

Bangor University Instagram Profile
Students Union Instagram Profile
Campus Life Instagram Profile

 

 

 

 

 

 

 

Pam dewis Prifysgol Bangor?

Eich camau nesaf

Cwad mewnol Prif Adeilad y Brifysgol

Dewch i Ddiwrnod i Ymgeiswyr

Hyd yn oed os rydych wedi bod i Ddiwrnod Agored ym Mhrifysgol Bangor, byddwch yn elwa o ddod i Ddiwrnod i Ymgeiswyr. Bydd yn rhoi profiad gwahanol sydd wedi ei deilwro i chi - cewch fynd i sesiwn blasu a chael mwy o fanylion am eich pwnc.

Myfyrwyr yn siarad ac ymlacio yn Barlows, Pentref Myfyrwyr y Santes Fair

Gwneud ffrindiau cyn cyrraedd y campws

CampusConnect, ein ap ar gyfer deiliaid cynnig, yw'r ffordd orau i gysylltu â myfyrwyr eraill sydd ar yr un cwrs â chi ac yn aros yr un llety. Mae'n ffordd wych o wneud ffrindiau a chael cyngor am y Brifysgol cyn dod yma. Edrychwch ar eich e-byst am fanylion mewngofnodi.   

Myfyrwraig Holly Shone mewn ystafell wely yn llety'r Santes Fair

Gwneud cais am lety

Rydym yn rhoi sicrwydd o ystafell mewn llety Prifysgol i ymgeiswyr o'r DU/Iwerddon am flwyddyn gyntaf o'u gradd israddedig. Rhaid eich bod yn dal Bangor fel eich dewis Cadarn, â'ch bod yn mynychu cwrs ar y campws ym Mangor, yn cychwyn y cwrs ym mis Medi ac yn gwneud cais cyn y dyddiad cau. Byddem yn eich e-bostio pan fydd hi'n amser gwneud cais a byddwch yn gallu dewis eich ystafell trwy ein system archebu.

Darganfod EICH ystafell berffaith

Myfyrwyr yn siarad tu allan i'r brifsysgol

Mwy o wybodaeth i Ymgeiswyr

Ewch i'r tudalennau Gwybodaeth i Ymgeiswyr sy'n rhoi gwybodaeth am bopeth rydych angen wybod am eich cais a sut i baratoi ar gyfer prifysgol.
 

Cipolwg ar ein hadeiladau a'n hadnoddau arbennig

A oes gennych unrhyw gwestiynnau am fywyd myfyriwr ym Mangor? Mae ein llysgenhadon yn barod i’ch helpu gael yr ateb.

Gall ein myfyrwyr ddweud mwy wrthoch am y profiad o astudio yma, am y Clybiau a Chymdeithasau gwych sydd yma, a sut bu iddynt hwy wneud ffrindiau ac ymgartrefu yn y Brifysgol.

SGWRSIWCH EFO'N MYFYRWYR 

Os oes gennych unrhyw gwestiynau am y cwrs, mae ein darlithwyr wrth law i helpu. Dyma rai cwestiynau a ofynnir yn aml. Oes gennych chi unrhyw gwestiwn arall i'n darlithwyr? 

  • Pa rinweddau sydd gan fyfyrwyr llwyddiannus y pwnc hwn ym Mangor? 
  • Beth allai wneud i baratoi at astudio'r pwnc hwn ym Mangor? 
  • Sut ydw i yn gwybod mai'r pwnc hwn ym Mangor yw’r dewis iawn i mi? 

Sgwrsiwch gyda darlithydd