Dathliadau Graddio Ar-lein

Er mwyn helpu myfyrwyr i ddathlu graddio, yr ydym wedi creu adnoddau sy'n cynnwys cefndiroedd Zoom y gellir eu lawrlwytho, sticeri a hidlydd i'w defnyddio yn nathliadau ar-lein ein myfyrwyr.

Trwy weithio gyda Dr Llyr ap Cenydd o'r Ysgol Cyfrifiadureg a Pheirianneg Electronig, rydym wedi datblygu hidlydd graddio realiti estynedig ar Instagram fel bod graddedigion Bangor yn gallu dathlu a rhannu’r garreg filltir bwysig hon gyda llun graddio rhithwir. Gallwch hyd yn oed recordio fideo ohonoch eich hun yn dathlu o flaen cefndiroedd eiconig fel Prif Lyfrgell y Celfyddydau, y cwad neu'r Fenai.

Gallwch ddod o hyd i'n hidlydd graddio trwy ymweld â'n proffil Instagram (ar ddyfais symudol) a phwyso'r eicon wyneb hapus.

Mae’r cefndiroedd Zoom ar gael yma.

Mae ffrâm lluniau proffil graddio newydd ar gael i Facebook hefyd, lle gall myfyrwyr ychwanegu ffrâm 'Wedi graddio o Fangor' at eu llun proffil. Gellir dod o hyd i'n sticeri trwy chwilio am 'Brifysgol Bangor' ar unrhyw lwyfan sy'n cefnogi GIPHY (e.e. straeon Instagram a Facebook a Snapchat).

Cofiwch ddefnyddio’r hashnod #Bangor2020 a thagio'r Brifysgol yn eich negeseuon fel y gellir eu rhannu.