Academydd ac ymchwilydd o Ganolfan Prosesu Signalau Digidol yn mynychu Cynhadledd Cyfathrebu a Ffotoneg Asia 2024 yn Beijing, Tsieina.

Aeth Dr Faruk a Ms Jiaxiang He o Ganolfan Prosesu Signalau Digidol i Gynhadledd Cyfathrebu a Ffotoneg Asia 2024, a gynhaliwyd yn Beijing, Tsieina. Mae cynhadledd Cyfathrebu a Ffotoneg Asia, sydd wedi cael ei chynnal yn flynyddol ers 2001, yn un o'r cynadleddau mwyaf yn rhanbarth Asia a’r Môr Tawel, ac mae’n cwmpasu cyfathrebu optegol, ffotoneg a thechnolegau perthnasol.

Rhoddodd Dr Faruk sgwrs wahoddedig ar dechnolegau uwch mewn perthynas â rhwydweithiau optegol goddefol, a chyflwynodd Jiaxiang ddau bapur cyfrannol, un ar ddiogelwch haenau ffisegol, a’r llall ar rwydweithiau cydgyfeirio ffibr-diwifr.

Gwnaethant ychwanegu gwerth pellach i’w taith yn ystod eu hamser yn Tsieina, a chawsant amser i ymweld â’r Prif Labordy Opteg Ffibr Arbenigol a Rhwydweithiau Mynediad Optegol ym Mhrifysgol Shanghai, lle buont yn trafod eu hymchwil arloesol parhaus ar gyfer gofynion cyfathrebu yn y dyfodol.