Mae’r rhaglen rygbi yma ym Mrifysgol Bangor wedi bod yn llwyddiannus iawn ers cychwyn yn 2019. Rydym yn gweld rhaglen y dynion a’r merched fel rhai sy’n gweld dipyn o lwyddiant o fewn yr Undeb Athletaidd. Mae’r ddau raglen wedi sefydlu eu hun fel prif gynheiliaid o fewn cynghreiriau BUCS ac yn cystadlu yn erbyn rhai o Brifysgolion mwyaf y wlad.
Mae llwyddiant diweddar y rhaglen wedi gweld sawl myfyriwr gorffennol a presennol yn ennill anrhydeddau cenedlaethol sy’n adlewyrchiad o lwyddiant y rhaglen. Mae’r rhaglen yn ganolbwynt i’r gymuned myfyrwyr yma yn y Brifysgol ac hefyd yn hanfodol i’r gymunded leol yma yng Ngogledd Cymru. Rydym yn falch iawn o’n cynwysoldeb yma ym Mangor sy’n bwysig i medru rhoi cyfleuoedd i bawb yn y Brifysgol trwy rygbi, nid ond ar y cae ond hefyd profiadau o gwmpas y rhaglen a bydd y myfyrwyr yn elwa ohonni ar ôl addysg.
Mae’r rhaglen yn darparu strwythur wythnosol i’r myfyrwyr sy’n gweithio o gwmpas eu bywydau personnol a’u darlithoedd. Mae’r amserlen wythnosol yn cynnwys sesiynau rygbi fel tîm, sesiynau sgiliau, cyfarfodydd adborth, codi pwysau a sesiynau ffitrwydd. Yn ogystal â hynny mae gan ein chwaraewyr fynediad i feddyg a bydd yn hanfodol i’w gêm. Oddi ar y cae mae yna gyfleoedd i’r rhai sydd efo diddordeb mewn analysis, ffisiotherapi neu gwaith ffitrwydd i arwain sesiynau trwy ein rhaglen gwirfoddoli.
Rydym yn glwb uchelgeisiol iawn sydd o hyd yn edrych am gyfleoedd i dyfu sy’n galluogi ein chwaraewyr ac ein staff i wella. Mae’r stwythur a’r llwybr sydd gan y rhaglen yn cyfrannu tuag at lles meddyliol a chorfforrol ein myfyrwyr tra yn ystyried eu haddysg a’u cyflogadwyedd.
Ffurflen diddordeb chwaraewr
Cofrestrwch eich diddordeb yn y rhaglen drwy lenwi'r ffurflen fer hon.
Rugby Development Pathway
Llwybr Datblygu Rygbi
Os oes gennych chi ddiddordeb mewn rygbi, mae'r Brifysgol yn cynnig rhywbeth i bawb yn ein Rhaglen Rygbi.
- Os ydych yn chwaraewr elitaidd, lawrlwythwch taflen Rhaglen Perfformiad Rygbi Merched neu daflen Rhaglen Perfformiad Rygbi Dynion.
- I uwchsgilio a datblygu fel hyfforddwr neu ddyfarnwr, darllenwch ein gwybodaeth Datblygiad Hyfforddi & Dyfarnu.
- Os hoffech gynnig darpariaeth i'r gymuned lleol, edrychwch ar ein Rhaglen Gwirfoddolwyr.
- Edrychwch ar y Llwybr Datblygu Rygbi
Rugby transcript
Dyma ni yn Platfform 81 yng Nghanolfan Brailsford
Mae’r lle yma yn bwysig i’n athletwyr dod yma ac ymarfer codi pwysau a ffitrwydd
Mae’r cyfuniad yna o’r cyleusterau sydd gen ni yn Treborth efo’r stadiwm a’r trac rhedeg yn meddwl bod ein athletwyr yn perfformio mewn cyfleusterau o’r safon uchaf
Na’th y rhaglen rygbi cychwyn yn 2019 ac mae’r rhaglen wedi mynd o nerth i nerth dros y blynyddoedd diwethaf
Mae’r rhaglen yn cynnwys sesiynau rygbi, sesiynau codi pwysau ac analysis, sesiynau rhedeg a sgiliau i fynnu yn Brailsford. Da ni’n falch iawn o be da ni wedi creu yma ym Mrifysgol Bangor
Mae’r linc efo Rygbi Gogledd Cymru a’r gymuned lleol yn holl bwysig i ni yma ym Mrifysgol Bangor
Da ni wedi gweld sawl un o’n myfyrwyr gorffennol a presennol cynrycholi’r rhanbarth a finnau hefyd fel prif hyfforddwr
Y nod yw i gadw talent rygbi yma yng Ngogledd Cymru trwy cynnig nhw rhaglen rygbi llawn amser i gyfuno efo’u addysg
Mae’r rhaglen rygbi llawn amser yna hefyd yn pwysig i’r myfyrwyr allannol yna sydd isho dod I’r brifysgol i parhau efo’u freuddwyd o fod yn chwaraewr rygbi proffessiynol
Mae gen ni record arbennig iawn yma yn Treborth. Ond di ennill ddim y peth pwysica i ni yma yn y brifysgol. Mae sicrhau fod gan ein myfyrwyr y sgiliau ar y cae ac oddi wrth y cae yn holl bwysig iddynt pan yn graddio
Da ni hefyd yn cynnig rhaglen ysgoloriaeth yma ym Mrifysfol Bangor i gefnogi ein athletwyr o’r safon uchaf i barhau efo’u breuddwyd o fod yn chwaewyr rygbi proffessiynol ag astudio
Mae’r rhaglen rygbi hefyd yn cynnig cyfleuon i rheina sydd tu allan o’r cylch chwarae. Cyfleuon fel hyfforddi a dyfarnnu, gwaith ffitrwydd a ffisiotherapi. Mae’r cyfleuon yma yn bwysig i’r rhei sydd yn ystyried gwaith arol addysg
Da ni yn falch iawn o be da ni wedi cyflawni yma mor belled ym Mrifysgol Bangor ac yn cyffrous iawn i barhau i ddatblygu rygbi yma yng Ngogledd Cymru
Partneriaid Rygbi
Rydym yn gweithio mewn partneriaeth â nifer o glybiau a chyrff chwaraeon.
