Fy ngwlad:
Fy ngwlad:

Chwilio

Cau
Llun o Ffair Yrfaoedd yn Neuadd PJ

Wythnos Fy Ngyrfa Raddedig

Hydref 21ain-25ain 2024

Ar y dudalen hon:
Cofrestrwch i'r Ffair Yrfaoedd Nawr
Archebu eich lle drwy CyswlltGyrfa

Mae Wythnos Fy Ngyrfa Raddedig nol ar gyfer 2024! 

Mae Wythnos Fy Ngyrfa Raddedig yn rhoi cyfle i chi ganolbwyntio ar eich sgiliau, eich profiadau, a'ch dyfodol. Bydd digwyddiadau yn ystod yr wythnos yn caniatáu i chi gwrdd â cyflogwyr o ystod o sectorau gwaith, gwrando ar arbenigwyr yn y diwydiant a chyn-fyfyrwyr Prifysgol Bangor yn rhannu eu profiadau o ddatblygu eu gyrfa, a chael cyngor arbenigol ar gynllunio gyrfa, rhwydweithio, ac arferion recriwtio. Mae’r cyfan yn digwydd ar garreg eich drws yma ym Mangor.

Os oes gennych unrhyw gwestiwn am yr Wythnos Fy Ngyrfa Graddedig, cysylltwch â ffairgyrfaoedd@bangor.ac.uk

Wythnos Fy Ngyrfa Raddedig: Digwyddiadau

 

Dydd Llun, Hydref 21ain

Dydd Mawrth, Hydref 22ain

Dydd Mercher, Hydref 23ain

Dydd Iau, Hydref 24ain

Dydd Gwener, Hydref 25ain

Cynhelir nifer o weithdai yn yr wythnosau sy'n arwain at Wythnos Fy Ngyrfa Raddedig. Gellir gweld y manylion ar CyswlltGyrfa. Mae rhai o'r sesiynau yn cynnwys ysgrifennu CV, Defnyddio LinkedIn, Gweithio ym Mhrydain a Sut i Drafod Niwroamrywiaeth gyda Cyflogwyr.

Nodweddion Graddedigion Bangor

Llun Icon Ymroddiad
Llun icon her
Icon hunangyfeiriad
Icon ymholiad
Icon Cydweithio

 

 

 

 

 

Mae Nodweddion Graddedigion Bangor yn cynrychioli set gyfannol o alluoedd sy'n mynd y tu hwnt i'ch gwybodaeth a'ch arbenigedd pwnc. Maent yn crynhoi sgiliau a rhinweddau ehangach sy'n galluogi graddedigion i ffynnu mewn cyd-destunau personol, proffesiynol a chymdeithasol amrywiol.

Bydd digwyddiadau yn ystod Wythnos Fy Ngyrfa Raddedig yn rhoi cyfleoedd gwych i chi ddatblygu’r cryfderau hyn, yn ogystal â thrafod Noweddion Graddedigion Bangor gydag arddangoswyr a siaradwyr gwadd.

Mae enghreifftiau yn cynnwys:

  • Ymroddiad – beth am gymhwyso'ch sgiliau rhwydweithio digidol i sefydlu proffil LinkedIn fel y gallwch gysylltu â'r gweithwyr proffesiynol y byddwch yn cwrdd â nhw yn ystod y Ffair Yrfaoedd a dilyn i fyny gyda chwestiynau yn ddiweddarach.
  • Her – gall ymweld â stondinau arddangos neu ofyn cwestiwn mewn sgwrs gyrfaoedd eich gwthio ychydig allan o'ch cysur ond bydd yn eich helpu i ddatblygu hyder i siarad â phobl newydd.
  • Hunangyfeiriad – defnyddiwch y cyfleoedd yn ystod Wythnos Fy Ngyrfa Raddedig i archwilio syniadau gyrfa newydd a phresennol a sefydlu rhai nodau gyrfa i chi anelu at eu cyflawni yn ystod y flwyddyn.
  • Ymholiad – mae'n bwysig bod yn rhagweithiol wrth chwilio am swydd, felly gwnewch nodiadau yn ystod y Ffair a threfnwch amser i wneud gwaith dilynol ac ymchwilio i unrhyw gwmnïau, cyfleoedd neu derminoleg newydd rydych wedi dysgu amdanynt!
  • Cydweithio – beth am ymuno â ffrindiau i gynllunio pwy a beth yr hoffech ei weld yn y digwyddiadau, a chyfarfod yn ddiweddarach i drafod a myfyrio ar eich prif bwyntiau dysgu o’r diwrnod.

Dysgwch fwy am Nodweddion Graddedigion Bangor yma.

Ffair Gyrfaoedd a Chyflogadwyedd - Arddangoswyr

Mae'r cyflogwyr a sefydliadau sydd yn arddangos yn y Ffair Gyrfaoedd a Chyflogadwyedd ar Hydref 23 wedi eu rhestru isod:

Neuadd PJ 

Neuadd Powis 

Coridor y Cofrestrydd

Ffair Gyrfaoedd a Chyflogadwyedd - Cyflwyniadau a Sgyrsiau Gyrfaol

Ar ddydd Mercher, Hydref 23, bydd amrywiaeth eang o sgyrsiau panel a chyflwyniadau gyrfaol yn cael eu cynnal ym Mhrif Adeilad y Brifysgol. Bydd siaradwyr yn cynnwys cyflogwyr, cyn-fyfyrwyr Prifysgol Bangor ac arbenigwyr yn eu meysydd. Nid oes angen cofrestru ar gyfer y sesiynau, a bydd llefydd ar gael ar sail y cyntaf i'r felin. 

Gweler y rhaglen lawn o sgyrsiau a chyflwyniadau gyrfaol. 

Rhestr o Siaradwyr Gwadd

Bywgraffiadau'r Siaradwyr Gwadd

Cyngor ar Wneud y Mwyaf o Wythnos Fy Ngyrfa Raddedig

  • Diweddarwch eich CV i adlewyrchu eich profiad a'ch sgiliau trosglwyddadwy fel y gallwch chi rannu’r CV yn rhwydd ac yn hyderus â chyflogwyr sy'n mynychu'r ffair. Am gefnogaeth, dewch i un o'n gweithdaineu edrychwch ar yr adnoddau ysgrifennu CV. Gwnewch yn siŵr eich bod chi'n defnyddio CareerSet i gael mynediad unigryw i adborth ar unwaith ar eich CV, wedi'i bweru gan feddalwedd AI a ddefnyddir gan recriwtwyr.
  • Mae sefydlu proffil LinkedIn yn ffordd wych o reoli eich presenoldeb ar-lein a'i gwneud yn hawdd i rwydweithio â chyflogwyr y byddwch yn cwrdd â nhw yn ystod yr wythnos. Mae LinkedIn yn blatfform proffesiynol ac yn ei gwneud hi'n hawdd cadw mewn cysylltiad â'ch cysylltiadau newydd. Os nad ydych yn siŵr ble i ddechrau gyda sefydlu proffil, ewch i’r gweithdy byr hwn ar-lein i gael gwybod mwy.
  • Efallai y bydd rhwydweithio yn teimlo fel tiriogaeth newydd i rai myfyrwyr, ond gydag ychydig o baratoi, byddwch chi'n gallu cyflwyno'ch hun yn wirioneddol effeithiol a phroffesiynol. I gael awgrymiadau a strategaethau ar sut i rwydweithio'n effeithiol, ewch i'r gweithdy byr hwn ar-lein.
  • Cymerwch olwg fanwl ar y cyflogwyr, sefydliadau a siaradwyr gwadd a fydd yn mynychu Wythnos Fy Ngyrfa i Raddedigion. Edrychwch ar eu gwefannau a thudalennau cyfryngau cymdeithasol a gwiriwch pa wybodaeth am eu recriwtio graddedigion y gallwch ddarllen amdanynt ymlaen llaw. Bydd dangos i gyflogwr eich bod wedi cymryd y cam cyntaf i ymchwilio iddynt yn eich rhoi un cam ar y blaen ac yn gwneud argraff gyntaf broffesiynol iawn!
  • Mewngofnodwch i CareerConnect – bydd y rhan fwyaf o'r cyflogwyr a'r arddangoswyr sy'n mynychu Wythnos Fy Ngyrfa Graddedig yn hysbysebu eu cyfleoedd i raddedigion yno rywbryd yn ystod y flwyddyn.
  • Os hoffech sgwrs un-i-un i drafod eich datblygiad gyrfa, eich CV neu unrhyw fater arall yn ymwneud â datblygiad eich gyrfa, trefnwch apwyntiad i siarad â Ymgynghorydd Cyflogadwyedd.
  • Ar gyfer unrhyw bynciau eraill yn ymwneud â gyrfaoedd a chyflogadwyedd, porwch yr ystod o adnoddau sydd ar gael ar yr Hwb Cyflogadwyedd.

Cyngor ar Gyfer Myfyrwyr Blwyddyn 1 a 2

  • Cadwch feddwl agored ac y byddwch yn agored i syniadau gyrfa newydd, efallai y byddwch yn dod o hyd i gyfleoedd perthnasol gyda chwmnïau annisgwyl!
  • Cofiwch y bydd llawer o gyfleoedd i raddedigion yn recriwtio o unrhyw ddisgyblaeth academaidd, felly peidiwch â chadw at sgyrsiau pwnc-benodol ac arddangoswyr yn unig.
  • Holwch am brofiad gwaith, interniaethau a chyfleoedd cysgodi gwaith. Nid yw'n rhy gynnar i gynllunio ar gyfer yr haf nesaf.

Cyngor ar Gyfer Myfyrwyr Blwyddyn Olaf ac Ôlraddedig
 

  • Mae'r cyngor ar gyfer y flwyddyn 1af a'r 2il flwyddyn (uchod) yn dal yn berthnasol i chi, ond efallai y byddwch am fod yn fwy manwl yn eich rhyngweithio ag arddangoswyr a siaradwyr.
  • Gofynnwch am ddyddiadau cau ar gyfer cyfleoedd i raddedigion – bydd llawer o’r dyddiadau cau hyn yn dod i fyny cyn y Nadolig, felly gwnewch yn siŵr nad ydych yn colli allan!
  • Gofynnwch am gyfeiriad e-bost neu broffil LinkedIn i ddilyn i fyny ag ef – dilynwch i fyny yn brydlon ar ôl y ffair i wneud yr argraff orau.
  • Dysgwch am brosesau recriwtio a pha gyngor y byddai pobl yn ei rannu yn seiliedig ar eu profiad o recriwtio graddedigion – gall cyngor anecdotaidd fod yn llawer mwy craff na chyngor cyffredinol ar-lein.
  • Os ydych yn fyfyriwr ôl-raddedig, beth am drafod cyfleoedd ymchwil, neu egluro effaith eich ymchwil gyda chyflogwyr perthnasol?

Ffair Gyrfaoedd a Chyflogadwyedd - Telerau ac Amodau'r Gystadleuaeth

Sicrhewch eich lle yn y Ffair Yrfaoedd Wythnos Fy Ngyrfa Raddedig ar ddydd Mercher, Hydref 23ain trwy lenwi’r ffurflen gofrestru hon i gael cyfle i ennill 1 o 2 Taleb Amazon gwerth £50. (Rhaid i chi lenwi'r ffurflen erbyn 3pm ddydd Llun, Hydref 14eg i gael eich cynnwys yn y rhodd).

Eisiau cyfle ychwanegol i ennill? Mewngofnodwch i'ch cyfrif CyswlltGyrfa a diweddarwch eich proffil.

Cliciwch yma i weld y Telerau ac Amodau llawn.

 

Cystadleuaeth Adborth – Enill taleb £50 Amazon!

Rydym yn casglu adborth am y Ffair Gyrfaoedd a Chyflogadwyedd, ac rydym eisiau clywed gennych chi! Does dim ots a wnaethoch chi fynychu’r digwyddiad ai peidio, mae eich adborth yn bwysig i ni. Dilynwch y ddolen hon (ar gael o 12:00 ar Hydref 23) i rannu eich adborth gyda ni erbyn 00:00 ddydd Sadwrn, 2 Tachwedd i gael cyfle i ennill un o ddwy daleb Amazon gwerth £50.

Mae’n rhaid i chi fod yn fyfyriwr Prifysgol Bangor i gymryd rhan yn y gystadleuaeth.

Mae’r Telerau ac Amodau llawn ar gael yma.