Cyfweld a Dewis ymgeiswyr i'r cwrs Radiograffeg

Adolygwch broffil y cwrs a byddwch yn gyfarwydd â'r gwerthoedd a amlinellir yn Fframwaith Gwerthoedd a Safonau Ymddygiad y GIG a Safonau y HCPC.
Mae yna hefyd amrywiaeth o ddeunyddiau ar-lein y gallwch gael mynediad iddynt gan gynnwys y 6C a mewnwelediad i Radiograffeg Ddiagnostig gan y GIG - https://www.healthcareers.nhs.uk/explore-roles/allied-health-professionals/roles-allied-health-professions/roles-allied-health-professions/diagnostic-radiographer

Mae'n fuddiol cyfeirio at unrhyw brofiad gwaith (cyflogedig neu wirfoddol) ym maes iechyd neu ofal cymdeithasol. Ystyriwch drefnu profiad perthnasol cyn eich cyfweliad.

Rhan o amodau'r cwrs Radiograffeg Ddiagnostig yw y byddwch, lle bo hynny'n bosib, cyn cael eich derbyn, wedi mynd i adran belydr-X mewn ysbyty o'ch dewis am yr hyn sy'n cyfateb i 1 diwrnod llawn (byddai 2 ddiwrnod llawn yn well ond rydym yn deall bod hyn yn gallu bod yn anodd) ac wedi llenwi ffurflen ymweliad clinigol mewn modd boddhaol (y gellir ei lawrlwytho yma) wedi ei llofnodi gan radiograffydd goruchwyliol. Gwnawn hefyd dderbyn llythyr gan yr adran yn cadarnhau eich presenoldeb a'r mannau yr ymwelwyd â hwy os nad ydych yn gallu cael y ffurflen ymweliad clinigol neu os ydych wedi ymweld ag adran eisoes am unrhyw reswm.

Dylid cyflwyno'r ffurflen ymweld erbyn 14 Mawrth 2025. Os yw'r ffurflen wedi ei llenwi cyn y cyfweliad, dewch â'r ffurflen gyda chi; fel arall, gallwch ei hanfon trwy'r post i'r Ysgol Gwyddorau Iechyd, Prifysgol Bangor, Radiograffeg, Parc Technoleg Wrecsam, Wrecsam LL13 7YP.

Cyn eich cyfweliad, mae'n ofynnol i chi gwblhau ymateb ysgrifenedig i gwestiwn. Sicrhewch fod hwn yn cael ei gyflwyno cyn dyddiad eich cyfweliad trwy ddilyn y ddolen hon.

Gwisgwch yn briodol ar gyfer lleoliad proffesiynol. Argymhellir dillad smart, er ein bod am i chi deimlo'n gyfforddus.

Os oes angen addasiadau arnoch (e.e. amser ychwanegol, deunyddiau print bras) neu os oes gennych ofynion mynediad, cysylltwch â ni o leiaf 48 awr cyn y cyfweliad.

Bydd diwrnod y cyfweliad yn dechrau gyda chyflwyniad ar y rhaglen Radiograffeg, gan amlinellu disgwyliadau a chyfleoedd. Bydd y cyflwyniad hwn hefyd yn esbonio sut mae'r cwrs yn cael ei redeg, gyda throsolwg o'r cyfweliad ac ymweliad â’r safle i ddilyn.

Ar ôl y cyflwyniad, cewch gyfle i ymweld â'r safle, lle gallwch gwrdd â myfyrwyr presennol a staff y cwrs.

Rydym yn defnyddio system gyfweld unigol. Cyn eich cyfweliad, mae'n ofynnol i chi gwblhau ymateb ysgrifenedig i gwestiwn. Sicrhewch fod hwn yn cael ei gyflwyno cyn dyddiad eich cyfweliad trwy ddilyn y ddolen hon. Yn ystod y cyfweliad, efallai y bydd y sawl sy’n eich cyfweld yn gofyn cwestiynau ychwanegol yn seiliedig ar y wybodaeth yn eich cais. Cewch gyfle i ofyn unrhyw gwestiynau hefyd ar ddiwedd y cyfweliad 10-15 munud.

Sicrhewch eich bod yn dod â’r canlynol:

• ⁠Prawf o bwy ydych chi: Pasbort neu drwydded yrru (dogfennau gwreiddiol yn unig)
• Prawf o gymwysterau: Tystysgrifau TGAU Mathemateg a Chymraeg/Saesneg neu sgiliau allweddol rhifedd/llythrennedd Lefel 2 (dogfennau gwreiddiol yn unig - ni dderbynnir llungopïau)