Deddf Meinweoedd Dynol

Cefndir

Ers sefydlu’r Awdurdod Meinweoedd Dynol, mae paramedrau cyfreithiol rwymol llym wedi bod mewn lle i’w dilyn wrth storio a defnyddio meinweoedd dynol.  Mae’r Ddeddf Meinweoedd Dynol 2004 (y Ddeddf) yn darparu fframwaith ar gyfer rheoleiddio’r broses o storio a defnyddio organau a meinweoedd dynol gan bobl fyw, ac echdynnu, storio a defnyddio meinweoedd ac organau gan bobl farw, at ddibenion penodol sy’n gysylltiedig ag iechyd ac arddangos yn gyhoeddus.

Mae’n rhaid i unrhyw weithgaredd yn y Brifysgol sy'n cynnwys defnyddio deunyddiau perthnasol dynodedig dan y Ddeddf, sy’n cynnwys organau, meinweoedd a chelloedd, ddilyn Amodau Safonol llym. Mae’r Ddeddf yn ei gwneud yn drosedd i feddu ar feinwe dynol, gan gynnwys gwallt, ewinedd a gametau yn y cyd-destun hwn, gyda’r bwriad o ddadansoddi ei DNA heb ganiatâd yr unigolyn y daeth y meinwe ohono, neu’r rhai agos atynt os ydynt wedi marw.

Er mwyn cydymffurfio â'r Ddeddf mae'n rhaid i bob sefydliad sy'n ymdrin â deunydd dynol mewn unrhyw ffordd gael ei drwyddedu, ynghyd â nodi Unigolyn Dynodedig sydd â’r cyfrifoldeb eithaf dros gydymffurfio â'r Ddeddf.

Deiliad y drwydded yw Prifysgol Bangor.

Cydlynydd Trwydded y Brifysgol yw Colin Ridyard, Uwch Swyddog Polisi.

(Mae’r Brifysgol wedi ei thrwyddedu ar gyfer Anatomeg – rhif y drwydded yw 12546)

Gwybodaeth perthnasol