Bydd y ddarlith hon yn bwrw golwg ar arwyddocâd Pen Llŷn a’i thirlun i ddelfrydau o Gymreictod a gwledigrwydd yn ystod canol yr 20fed ganrif, gan ganolbwyntio’n arbennig ar y trafodaethau yn ystod y 1950au a’r 1960au ynghylch gosod atomfa niwclear ger Edern. Bydd hyn yn cael ei gyferbynnu gydag enghreifftiau eraill cynhennus o ‘foderneiddio’ golygfeydd Pen Llŷn, megis yr Ysgol Fomio ac ymlediad twristiaeth yn y fro. Holodd Baner ac Amserau Cymru yn 1957 ‘Pa lanast yw peilonau’, gyda’r cwestiwn yna’n greiddiol i drafodaethau ingol am enaid Pen Llŷn, diboblogi gwledig a’r frwydr am ‘fara’ neu ‘harddwch’.
Darlith Hanes bore Sadwrn yr ŵyl am awran gyda cyflwyniad i’r Gymdeithas Hanes gan Lynn Francis i ddilyn.
AM DDIM i aelodau Cymdeithas Hanes
Darlith yn y Gymraeg
Offer cyfieuthu ar gael