Beth rydym yn ei astudio

Sefydlwyd Uned Delweddu Bangor yn 2006 gyda chefnogaeth Llywodraeth Cymru a Sefydliad Wolfson, ac mae’n gartref i sganiwr Delweddu Cyseiniant Magnetig 3 Tesla i ddibenion ymchwil ac addysgu, gyda chefnogaeth sawl aelod staff llawn amser a’r gyfadran yn yr Ysgol Gwyddorau Dynol ac Ymddygiadol, Prifysgol Bangor.

Mae grwpiau ymchwil yn dod â seicolegwyr, niwrowyddonwyr, ffisiolegwyr, ffisegwyr a chlinigwyr ynghyd i astudio trefn gymhleth swyddogaeth ymennydd dynol mewn gweithredu a chanfyddiad, gwybyddiaeth gymdeithasol, iaith a semanteg, yn ogystal â'r prosesau niwrocemegol a ffisiolegol sy’n sail i swyddogaeth yr ymennydd a phlastigrwydd.

Mae'r Uned yn galluogi ymchwil sylfaenol a chymhwysol, yn hwyluso hyfforddiant ymchwilwyr niwroddelweddu newydd ac yn galluogi cydweithio sylfaenol gwyddoniaeth a chlinigol ledled Cymru, y DU a'r byd.