Fy ngwlad:
Fy ngwlad:

Chwilio

Cau

Bydwreigiaeth: Cyfweld a Dewis

Os derbynnir eich cais i astudio, byddwn yn eich gwahodd i ddod am gyfweliad. Bydd cynnig i astudio gyda ni yn cael ei wneud i chi dim ond ar ôl cyfweliad llwyddiannus.

Rhoddir pob gwahoddiad i ddod am gyfweliad trwy UCAS. Ceir gwybodaeth bwysig am y cyfweliad isod.

Bydd pob diwrnod cyfweld yn cael ei gynnal ar gampws ym Mangor, a fydd yn rhoi cyfle i chi roi'r cyfrif gorau o'ch sgiliau, profiadau blaenorol a chymeriad, ac yn ein helpu ni i'ch adnabod yn well ac i benderfynu a fyddwch yn ffynnu ym Mhrifysgol Bangor. Bydd cyfarfod â'r tîm academaidd a bod ar y campws hefyd yn eich galluogi i weld rhai o'n cyfleusterau, deall cymaint â phosib am sut rydym yn gweithio gyda'n myfyrwyr a beth mae'n ei olygu i ddod yn fydwraig fyfyrwraig Prifysgol Bangor.

  • Dyddiadau: Dydd Llun 7 Ebrill – Dydd Gwener 11 Ebrill

  • Lleoliad: Ysgol Gwyddorau Iechyd, Fron Heulog, Bangor, LL57 2EF

Bydd angen i chi gyrraedd erbyn 08:45yb ar gyfer y cyfweliadau boreol, ac erbyn 12:45yp ar gyfer y cyfweliadau prynhawnol. Byddwn yn anfon gwybodaeth am eich dyddiad a'ch amser cyfweliad drwy UCAS.

 

Ymatebwch i'ch gwahoddiad am gyfweliad trwy UCAS o fewn pythefnos trwy un o'r opsiynau canlynol:

  • Cofrestrwch i fynd i'r cyfweliad
  • Dewiswch "Ni allaf ddod" ac aros am ddyddiadau eraill
  • Cysylltwch â ni ar ceisiadau.iechyd@bangor.ac.uk i drafod opsiynau eraill.

Gall methu ag ymateb o fewn pythefnos i dderbyn y gwahoddiad am gyfweliad olygu bod eich cais yn aflwyddiannus.

Os nad yw'r un o'r dyddiadau sydd ar gael yn gweithio i chi, dewiswch "Ni allaf ddod ar y dyddiadau hyn". Byddwn yn gwneud pob ymdrech i gynnig slot arall, fodd bynnag ni ellir gwarantu y bydd un ar gael. Gall methu'r holl ddyddiadau sydd ar gael olygu na fydd eich cais yn llwyddiannus - mae dod am gyfweliad yn ofynnol ar gyfer y broses ddewis.

Paratoi at eich cyfweliad

Adolygwch broffil y cwrs a byddwch yn gyfarwydd â'r gwerthoedd a amlinellir yn Fframwaith Gwerthoedd ac Ymddygiad Safonol y GIG a'r Côd Ymddygiad NMC.

Mae hefyd ystod o ddeunyddiau ar-lein y gallwch gael mynediad atynt gan gynnwys y 6C's ac mewnwelediad i Fydwreigiaeth gan y GIG - https://www.healthcareers.nhs.uk/explore-roles/midwifery

 

Mae'n fuddiol cyfeirio at unrhyw brofiad gwaith (cyflogedig neu wirfoddol) ym maes iechyd neu ofal cymdeithasol. Ystyriwch drefnu profiad perthnasol cyn eich cyfweliad.

Gwisgwch yn briodol ar gyfer lleoliad proffesiynol. Argymhellir dillad smart, er ein bod am i chi deimlo'n gyfforddus.

Os oes angen addasiadau arnoch (e.e. amser ychwanegol, deunyddiau print bras) neu os oes gennych ofynion mynediad, cysylltwch â ni o leiaf 48 awr cyn y cyfweliad.

Beth fydd yn digwydd yn ystod y cyfweliad?

Sicrhewch eich bod yn dod â’r canlynol:

  • ⁠Prawf o bwy ydych chi: Pasbort neu drwydded yrru (dogfennau gwreiddiol yn unig)
  • Prawf o gymwysterau: Tystysgrifau TGAU Mathemateg a Chymraeg/Saesneg neu sgiliau allweddol rhifedd/llythrennedd Lefel 2 (dogfennau gwreiddiol yn unig - ni dderbynnir llungopïau)

Bydd dau aelod o'r panel yn gofyn rhai cwestiynau sy'n seiliedig ar werthoedd i chi, a fydd yn archwilio eich rhinweddau, eich gwerthoedd a'ch dealltwriaeth o rôl y fydwraig. Efallai y cewch eich gwahodd i drafod rhai pynciau adnabyddus sy'n ymwneud â bydwreigiaeth a geni plant. Bydd y pynciau a'r cwestiynau yn rhoi cyfle i chi drafod rhai o'r materion cyfredol pwysig o fewn Bydwreigiaeth a dangos bod gennych rinweddau a sgiliau penodol a fydd yn werthfawr o fewn y proffesiwn.

Byddwch yn cael amser i ddarllen trwy’r sefyllfa ac i’w thrafod gyda'r aelodau eraill o'r grŵp i benderfynu ar y ffordd orau i reoli’r sefyllfa. Bydd angen i chi wneud penderfyniadau ynghylch agweddau penodol ar y sefyllfa a darparu’r sail resymegol dros eich dewisiadau o fewn amser penodol. Yna byddwch yn cyflwyno eich dewisiadau a'r resymeg dros y penderfyniadau consensws a wnaed. Mae'r cyfweliad grŵp wedi’i gynllunio i archwilio eich sgiliau cyfathrebu a'ch gallu i ddangos rhywfaint o ddealltwriaeth o garedigrwydd deallus. Bydd ymgeiswyr yn cael eu hasesu ar eu sgiliau cyfathrebu, ymwybyddiaeth ddiwylliannol, empathi, tosturi, ymwybyddiaeth o’r sefyllfa a gwneud penderfyniadau.

Beth fydd yn digwydd ar ôl y cyfweliad?

Byddwn yn cysylltu â chi drwy UCAS gyda chanlyniad eich cyfweliad.  Er ein bod yn ymdrechu i gysylltu ag ymgeiswyr cyn gynted â phosibl, byddwn yn cynnal nifer fawr o gyfweliadau a gall penderfyniadau gymryd 2-3 wythnos. Os byddwch yn llwyddiannus yn y cyfweliad, mae’n bwysig eich bod yn darllen unrhyw amodau’r cynnig a chyfarwyddiadau ar beth i’w wneud nesaf yn ofalus. Mae'n bwysig eich bod yn ymateb i unrhyw geisiadau am wybodaeth o fewn terfynau amser penodedig. Bydd pob cynnig yn amodol ar wiriadau DBS ac iechyd boddhaol.

Gofynnir i ymgeiswyr sydd wedi bod yn llwyddiannus yn y cyfweliad ddarllen y wybodaeth bwysig sy'n egluro'r camau nesaf yn y broses dderbyn ar gyfer y cwrs hwn.
Cliciwch yma am ragor o wybodaeth.

Mae'r wybodaeth hon ar gyfer ymgeiswyr sydd wedi bod yn llwyddiannus yn y cyfweliad. Sylwer: rhoddir pob cynnig trwy UCAS.

Os yw eich cais yn anllwyddiannus ac yr hoffech dderbyn adborth, gallwch wneud hynny drwy ysgrifennu atom. Gallwch ofyn am eich adborth o fewn 6 wythnos i dderbyn eich penderfyniad. Cofiwch gynnwys y wybodaeth ganlynol wrth wneud eich cais:

  • Enw llawn
  • Rhif Adnabod Personol UCAS (os gwnaethoch gais drwy UCAS)
  • Dyddiad geni
  • Enw'r cwrs a wnaethoch gais amdano
  • Dyddiad y cyfweliad

Gallwch ofyn am eich adborth drwy anfon e-bost atom yn ceisiadau.iechyd@bangor.ac.uk

Cysylltu â ni:

Os oes gennych unrhyw gwestiynau am y cyfweliad neu'ch cais, cysylltwch â'r Tîm Derbyniadau ar ceisiadau.iechyd@bangor.ac.uk