Llenyddiaeth Saesneg

Ydych chi'n barod i ddatgloi cyfrinachau Llenyddiaeth Saesneg? Mae’r rhaglen yn cynnig sylfaen gref o wybodaeth yn eich blwyddyn gyntaf, gan eich paratoi ar gyfer ystod gyffrous o opsiynau modiwl! Ym Mangor, rydym yn gwahodd myfyrwyr i ddatblygu diddordebau newydd wrth iddynt wneud cynnydd yn eu hastudiaethau, gyda chyfle i wneud ymchwil annibynnol ar unrhyw bwnc o’u dewis. O archwilio dulliau arloesol, llenyddiaeth 1000 o flynyddoedd oed neu adfyfyrio ar effeithiau llythrennedd cyfoes ar ein cymuned, mae rhywbeth yma sy’n siŵr o danio chwilfrydedd.

Datgloi byd Llenyddiaeth Saesneg ym Mhrifysgol Bangor! O’r Gothig i Gomedi a Ffuglen Plant - byddwch yn archwilio pynciau perthnasol cyfoes megis rhywedd a rhywioldeb, newid hinsawdd ac anghyfiawnder gwleidyddol yn ogystal â chael mewnwelediad unigryw i anghydraddoldeb economaidd a globaleiddio.

Mae ein rhaglenni gradd yn gyffrous ac ysgogi’r meddwl, gan eich gwahodd i feddwl yn greadigol ac yn ddychmygus am faterion cyfoes, tra byddant hefyd yn eich helpu i feithrin sgiliau cyfathrebu effeithiol. Bydd sgyrsiau parhaus rhwng myfyrwyr a darlithwyr yn yr ystafell ddosbarth a thu allan iddi yn eich galluogi i feithrin hyder yn eich llais eich hun ac yn eich gallu i fynegi syniadau cymhleth yn glir.

Mae llawer o’r modiwlau Llenyddiaeth Saesneg yn darparu cyfleoedd i ddewis asesiadau creadigol, arloesol, sy’n canolbwyntio ar eich paratoi ar gyfer y farchnad swyddi ac ystod eang o yrfaoedd gwerth chweil.

Ochr yn ochr â chynnig cyfle i chi ymroi i’ch cariad at ddarllen, mae’r rhaglenni gradd yn rhoi i chi’r sgiliau trosglwyddadwy a all arwain at ystod o wahanol yrfaoedd. Mae gradd mewn Llenyddiaeth Saesneg yn uchel ei pharch yn y farchnad swyddi heddiw oherwydd credir yn aml bod gan raddedigion y gallu i ddarllen yn fanwl, i ddirnad naws a chywirdeb, ac i adeiladu dadleuon sy’n ddwyn perswâd yn seiliedig ar ymchwil drylwyr. Mae’r rhain i gyd yn sgiliau cynyddol werthfawr yn y farchnad swyddi fodern, a dyma’n union beth rydyn ni’n ei gynnig pan fyddwch chi’n astudio Llenyddiaeth Saesneg ym Mhrifysgol Bangor.

Ym Mangor, byddwch yn rhan o gymuned fywiog a gofalgar gyda chefnogaeth fugeiliol ragorol. Byddwch yn cael eich addysgu gan arbenigwyr pwnc blaenllaw o'r diwrnod cyntaf, a bydd eich darlithwyr a'ch tiwtoriaid yn dod i'ch adnabod ac yn eich cefnogi trwy gydol eich gradd. Mae ein cymarebau myfyrwyr i staff yn golygu y gallwn gynnig dull gweithredu mwy personol wrth addysgu yma ym Mhrifysgol Bangor. Yn ogystal â darlithoedd, byddwch yn elwa o grwpiau seminar bach, goruchwyliaeth un-i-un ar waith project, gweithdai, a sesiynau galw heibio rheolaidd.

Mae ein cymuned Llenyddiaeth Saesneg yn fywiog gyda myfyrwyr yn cael digon o gyfleoedd i gymryd rhan mewn gweithgareddau allgyrsiol. Cewch gyfle i ymgolli mewn darllen ond hefyd i fynd ar ymweliadau i’r theatr ac ar deithiau maes, i wrando a siarad ag awduron gwadd, i fynychu seminarau ymchwil, i archwilio casgliadau ac archifau arbennig Bangor, ac i gymryd rhan mewn cymdeithasau myfyrwyr a grwpiau darllen bywiog.

Tra byddwch yn cael y cyfle i astudio’r clasuron, o Chaucer i Austen, o Shakespeare i’r Brontës, o Wordsworth i Plath, mae ein rhaglenni gradd yn pwysleisio nad yw Llenyddiaeth Saesneg yn golygu llenyddiaeth o Loegr yn unig. Rydym yn cynnig cyfle i fyfyrwyr archwilio llenyddiaeth a safbwyntiau ôl-drefedigaethol, dad-drefedigaethol a llenyddiaeth Saesneg o bedair cenedl y Deyrnas Unedig. Mae yma arbenigwyr mewn Llên Saesneg o Gymru ac mae’r addysgu hefyd yn amlygu cyd-destun Ewropeaidd llenyddiaeth Prydain.