Ysgrifennu Creadigol

Mae ein graddau’n cynnig sylfaen gref o wybodaeth a sgiliau pwnc-benodol yn y flwyddyn gyntaf, i’ch paratoi chi at ddewis o blith amrywiaeth hynod o fodiwlau wrth i chi symud ymlaen. Byddwch yn datblygu ac yn dilyn diddordebau newydd. Cewch gyfle i ymgymryd â phroject ysgrifennu annibynnol yn y flwyddyn olaf. Bydd amrywiaeth y modiwlau’n eich galluogi i archwilio dulliau arloesol o Ysgrifennu Creadigol, yn eich annog i adfyfyrio ynglŷn â phwysigrwydd parhaus y llenyddiaethau hanesyddol yn ogystal ag effaith llenyddiaeth gyfoes ar gymdeithas a chymunedau neilltuol. Byddwch yn archwilio gwahanol ffurfiau ac mi gewch eich annog i ddarllen ac ysgrifennu mewn llawer o wahanol ffurfiau, megis:

• y nofel
• ffuglen fer
• ffuglen fflach neu ficro
• ffurfiau hybrid
• barddoniaeth
• ffeithiol

Mae'r ffurfiau’n rhychwantu'r traddodiadol a’r arbrofol. Bydd cyfle i ymdrin â themâu pwysig, gan gynnwys

• rhywedd a rhywioldeb
• yr amgylchedd a’r hinsawdd
• anghyfiawnder gwleidyddol
• anghydraddoldeb economaidd
• globaleiddio

Cafodd ein gradd ei chynllunio i’ch ennyn chi i feddwl yn greadigol, yn feirniadol ac yn agored – a rhoi lle cefnogol a chyfeillgar i chi lle gall eich llais creadigol godi, newid a datblygu dros dair blynedd. Byddwch yn canfod sbardun deallusol a thrylwyredd yn ein seminarau a'n gweithdai yn ogystal â chefnogaeth wresog a chyfeillgarwch. Yn aml caiff y weithred greadigol ei sbarduno a'i datblygu trwy gyfarfyddiadau ag awduron eraill. Felly, eich cyfoedion a'ch athrawon fydd eich cymuned ysgrifennu creadigol tra byddwch yn astudio ym Mangor. Mae ein gweithdai a’n hystafelloedd dosbarth yn fannau lle caiff eich llais unigryw ei feithrin gyda gofal ac ymroddiad. Mae hefyd yn lle i ddysgu beirniadu'n hyderus a helpu datblygu gwaith eich cyfoedion.

Mae llawer o’r modiwlau’n cynnig cyfleoedd i ddewis asesiadau creadigol, arloesol, sy’n canolbwyntio ar eich paratoi chi ar gyfer y farchnad swyddi ac amrywiol yrfaoedd gwerth chweil a da. Fel myfyriwr graddedig ysgrifennu creadigol, byddwch yn meddu ar rai o'r sgiliau y mae’r galw mwyaf amdanynt yn y farchnad swyddi fodern chwim. Fel crëwr arbenigol, cyfathrebwr, a meddyliwr beirniadol, mi welwch chi’r gwerthfawrogiad sydd i’r sgiliau hynny yn y marchnadoedd swyddi traddodiadol a rhai sy'n datblygu'n gyflym ac mae modd eu trosglwyddo iddynt hefyd.

Fel rhan o'ch profiad israddedig, rydym yn falch o gynnig ymweliadau rheolaidd a gweithdai gan arbenigwyr o’r diwydiant. Mae’r sesiynau’n rhoi cipolwg gwerthfawr ac awgrymiadau ymarferol ynglŷn â sut mae trosglwyddo eich doniau creadigol i yrfaoedd da sy’n gwneud y defnydd gorau o’r sgiliau unigryw sydd gennych. Rydym wedi croesawu arbenigwyr o yrfaoedd mor amrywiol â chyhoeddi a golygu i awduron sydd newydd raddio sy’n cydweithio â Deallusrwydd Artiffisial i greu cynnwys i frandiau gorau’r byd. Mae eich dyfodol creadigol yn llawn posibiliadau ac mae eich blynyddoedd israddedig yn gyfle i archwilio i ble y gallai hynny arwain.

Ym Mangor, byddwch yn rhan o gymuned fywiog a gofalgar gyda chefnogaeth fugeiliol ragorol. Cewch gyfle i ymgolli yn y darllen ac i fynd ar ymweliadau i’r theatr ac ar deithiau maes, i wrando ar awduron gwadd a siarad gyda nhw, mynychu seminarau ymchwil, archwilio casgliadau ac archifau arbennig Bangor, a chymryd rhan yng nghymdeithasau’r myfyrwyr a grwpiau darllen bywiog. Cewch eich dysgu gan arbenigwyr pwnc blaenllaw o'r diwrnod cyntaf, a bydd y darlithwyr a'r tiwtoriaid yn dod i'ch adnabod a byddant yn eich cefnogi trwy gydol eich cwrs gradd. Yn ogystal â’r darlithoedd, byddwch yn elwa o grwpiau seminar bach, goruchwyliaeth un-i-un ar brojectau, gweithdai, a sesiynau galw heibio rheolaidd.

Fel myfyriwr Ysgrifennu Creadigol, byddwch yn edrych yn ôl ac ymlaen mewn amser llenyddol. Cewch gyfle i astudio amrywiaeth o genres a ffurfiau, yn destunau clasurol a chyfoes. Byddwch yn dysgu sut mae llywio a gwerthfawrogi'r hyn a fu, yr hyn sy'n digwydd nawr ac ystyried sut y gallai eich gwaith ysgrifennu ymateb neu wyro, eistedd mewn sgwrs, neu weithiau herio'r testunau y byddwch yn eu harchwilio. Sut bydd eich llais yn ymateb?