Hygyrchedd Digidol

Nod Prifysgol Bangor yw cadw at Ganllawiau Hygyrchedd Cynnwys y We (WCAG) 2.1 (tudalen Saesneg yn unig ar gael Web Content Accessibility Guidelines (WCAG) 2.1), sy'n rhoi arweiniad ar wneud cynnwys y we yn fwy hygyrch.

Rhaid i'r holl gynnwys a gyhoeddir ar wefan Prifysgol Bangor fodloni safonau hygyrchedd.

Mae hygyrchedd gwefan yn golygu bod pawb yn gallu defnyddio ein gwefan, gan gynnwys pobl anabl, er enghraifft pobl gyda:

• nam ar y golwg
• anawsterau modur
• namau gwybyddol neu anableddau dysgu
• byddardod neu nam ar y clyw

Mae gwefannau mewnrwyd yn ogystal ag allrwyd yn dod o dan reoliadau hygyrchedd. Mae hyn yn golygu bod RHAID i bob tudalen we, dogfen, fideo a delwedd fodloni safonau hygyrchedd CYN i ni eu cyhoeddi ar wefan Prifysgol Bangor.

Canllawiau Hygyrchedd Cynnwys Gwe (WCAG) - Cydymffurfiaeth

Mae tair lefel o gydymffurfiaeth:

• Lefel A yw'r lefel isaf
• Mae Lefel AA yn cynnwys yr holl ofynion Lefel A ac AA. Nod Prifysgol Bangor yw cyrraedd Lefel AA
• Mae Lefel AAA yn cynnwys yr holl ofynion Lefel A, AA ac AAA

Safonau'r Gymraeg

Mae Mesur y Gymraeg (Cymru) 2011 yn rhoi statws swyddogol i'r iaith Gymraeg yng Nghymru. Golygir hyn na ddylid trin yr iaith yn llai ffafriol na'r Saesneg. Mae gan gyrff cyhoeddus yng Nghymru ddyletswydd statudol i gydymffurfio â safonau newydd Cymru.

Wrth gyhoeddi sain a gweledol ar y wefan, mae Prifysgol Bangor yn dilyn y canllawiau ar Safonau’r Gymraeg. I gydymffurfio â’r safonau hyn, ewch i dudalen we Comisiynydd y Gymraeg.