Gwnewch i’ch Adborth Fynd Ymhellach

Mae 5.3 miliwn o fyfyrwyr wedi rhannu eu barn ac wedi helpu i ysbrydoli newid mewn prifysgolion a cholegau ers lansio’r NSS yn 2005. Mae’r arolwg yn cael ei gynnal gan gwmni annibynnol ac mae wedi’i anelu at israddedigion yn eu blwyddyn olaf, ac yn gofyn i chi am eich ymateb am eich cyfnod fel myfyriwr.

Mae’n cael ei gynnal rhwng Ionawr a mis Ebrill; os ydych yn gymwys i gymryd rhan bydd Ipos Mori yn cysylltu â chi yn ystod y cyfnod hwn.

Mae gwybodaeth gan NSS yn cael ei gyhoeddi ar www.unistats.ac.uk i gynorthwyo darpar fyfyrwyr ddewis pa brifysgolion i wneud cais amdanynt.

Dyddiad cau yr NSS yr 30 Ebrill.

Mae PTES wedi’i gynllunio ar gyfer ôl-raddedigion hyfforddedig, ac mae’n ymchwilio i’ch profiad o addysgu a dysgu, datblygu sgiliau, trefniadaeth, adnoddau a’ch ymwneud â’r cwrs. Mae PTES yn cael ei gynnal yn flynyddol, rhwng mis Mawrth a mis Mehefin. Cysylltir â chi drwy e-bost os ydych yn gymwys i gymryd rhan.

Mae PRES wedi’i gynllunio ar gyfer ôl-raddedigion ymchwil ac mae’n rhoi’r cyfle i chi rannu eich barn am eich profiadau o oruchwyliaeth, yr amgylchedd ymchwil a’ch datblygiad fel ymchwilydd. Mae PRES yn cael ei gynnal yn flynyddol, rhwng mis Mawrth a mis Mai. Cysylltir â chi drwy e-bost os ydych yn gymwys i gymryd rhan.

Ar ddiwedd pob semester, cewch y cyfle i lenwi ffurflenni gwerthuso modiwl. Bydd eich darlithwyr yn gofyn i chi fynd ar-lein (i fyMangor) i roi eich barn am eich

modiwlau. Yna bydd y darlithwyr yn paratoi cynllun gweithredu er mwyn cyflawni mwy o’r hyn sy’n gweithio’n dda a mynd i’r afael ag unrhyw rannau o’r modiwl y gellid eu gwella.

Cadwch lygad am y wybodaeth ddiweddaraf gan eich darlithwyr neu eich ysgol ynglŷn â sut y maent wedi defnyddio’r adborth a gyflwynwyd gan fyfyrwyr – efallai y cewch syndod bod cymaint o newid wedi bod.

Mae Arolwg yr Wythnos Groeso yn agored i bob myfyriwr israddedig yn y flwyddyn gyntaf a myfyrwyr ôl-raddedig hyfforddedig ac yn holi am eich profiad yn ystod yr Wythnos Groeso.