Ein Campws Amrywiol

Rydym wedi ymrwymo i hyrwyddo integreiddio cymdeithasol ymysg ein myfyrwyr er mwyn creu cymuned Brifysgol gydlynol. Yn greiddiol i hynny mae dealltwriaeth a pharch tuag at yr amrywiaeth o ddiwylliannau sydd ar y campws.

O'r 11,000 o fyfyrwyr sy'n astudio yma ym Mangor, mae dros 2,000 ohonynt yn dod o'r tu allan i'r DU, o dros 85 o wledydd gwahanol. Felly, mae gan fyfyrwyr gyfle i wneud ffrindiau o lawer o wahanol ddiwylliannau a chefndiroedd, gan eu galluogi i ehangu ar eu gwybodaeth ddiwylliannol.

Rydym wedi ymrwymo i hyrwyddo amgylchedd diogel a chefnogol ac rydym yn gwerthfawrogi profiadau pob myfyriwr yn ein cymuned.  Mae hyn wedi'i gynnwys yn ein polisi Polisi Aflonyddu Myfyrwyr. Ewch i'n gwe-dudalen Aflonyddu i gael rhagor o wybodaeth.

Myfyrwyr Rhyngwladol

Mae llawer o ffyrdd y gall myfyrwyr rhyngwladol gymryd rhan ym mywyd y Brifysgol ac mae nifer fawr o Gymdeithasau Rhyngwladol y gallant ymuno â nhw a digwyddiadau y gallant gymryd rhan ynddynt. Mae cefnogaeth arbenigol, yn academaidd a chymdeithasol ar gael trwy Ganolfan Addysg Rhyngwladol y brifysgol i sicrhau eich bod yn teimlo'n gartrefol yn ein cymuned gyfeillgar.

Rydym yn deall i fyfyrwyr rhyngwladol bod dod i'r brifysgol nid yn unig yn golygu gadael cartref ond hefyd symud i wlad dramor a dod i arfer â diwylliant gwahanol a ffordd wahanol o fyw hefyd. Dyna pam fod gan Brifysgol Bangor Hyrwyddwyr Myfyrwyr Rhyngwladol i'ch helpu i gynefino, i ddangos Bangor i chi a'ch helpu i deimlo'n gartrefol. Maent eisoes wedi bod drwy'r broses o addasu i fywyd newydd mewn gwlad newydd felly maent yn gwybod yn union sut rydych yn teimlo ac maent yno i chi drwy gydol eich cyfnod yn y Brifysgol. Gallwch ddysgu mwy trwy fynd i wefan y Ganolfan Addysg Rhyngwladol.

Darllenwch y Llawlyfr Myfyrwyr Rhyngwladol lle ceir gwybodaeth ynglŷn â chyrraedd Bangor, bywyd myfyrwyr a sut i gadw mewn cysylltiad pan fyddwch wedi graddio.

Mae gennym dudalen Facebook fywiog sy'n sôn am y newyddion diweddaraf gan ein Myfyrwyr Rhyngwladol a beth sy'n digwydd ar hyn o bryd.. Mae gennym hefyd newyddlen fisol gyda rhagor o wybodaeth.

E-bost: international@bangor.ac.uk

Ffôn: 01248 250008

Swyddfa Cefnogi Myfyrwyr Rhyngwladol

Mae'r Swyddfa Cefnogi Myfyrwyr Rhyngwladol yn cynnig arweiniad a chefnogaeth i'r holl fyfyrwyr rhyngwladol a'u teuluoedd. Ei nod yw eich helpu chi i gael y gorau o Fangor.

Os oes gennych unrhyw broblemau neu bryderon yn gysylltiedig â chi eich hunan neu eich teulu neu os oes arnoch angen gwybodaeth am unrhyw agwedd ar eich arhosiad yma ym Mangor, mae'r Swyddfa Cefnogi Myfyrwyr Rhyngwladol yn Adeilad Rathbone ac mae'n agored o 9.00am - 4.00pm, dydd Llun i ddydd Gwener.  Ewch i wefan y Swyddfa Cefnogi Myfyrwyr Rhyngwladol am ragor o wybodaeth.

E-bost: internationalsupport@bangor.ac.uk

Ffôn: 01248 382882

Am wybodaeth academaidd, ewch i dudalen we y Ganolfan Addysg Ryngwladol.

Cyngor Undeb Bangor - Cynghorwr Myfyrwyr Rhyngwladol

Cyngor Undeb Bangor yw'r corff o fewn Undeb y Myfyrwyr sy'n bodoli i drafod syniadau'n ymwneud â'i bolisïau, ymgyrchoedd a gweithgaredd gwleidyddol, syniadau'n ymwneud â'i gyfleoedd neu i ddatblygu profiad myfyrwyr ym Mangor.  Mae'n fforwm hefyd lle gall myfyrwyr Bangor ddal eu swyddogion undeb etholedig a'u cynghorwyr i gyfrif. 

Mae'r cyngor yn cynnwys aelodau o blith y myfyrwyr sy'n cyflawni nifer o swyddogaethau arbenigol, yn cynnwys Cynghowr Undeb Bangor i Fyfyrwyr Rhyngwladol.  Os oes gennych ddiddordeb dod yn Gynghorwr yn Undeb Bangor, yna mae rhagor o wybodaeth ar wefan yr undeb.

Sefydliad Confucius

Mae Sefydliad Confucius yn broject rhyngwladol ar y cyd rhwng Prifysgol Bangor, The China University of Political Science and Law (CUPL) yn Beijing, a Hanban, asiantaeth er hyrwyddo iaith a diwylliant Tsieina.

Nod y sefydliad yw rhoi cyfle i bobl gogledd Cymru brofi a dysgu mwy am iaith a diwylliant Tsieina. Mae'n cynnwys digwyddiadau diwylliannol, darpariaeth iaith, ac ymchwil academaidd.

Am ragor o wybodaeth am Sefydliad Confucius, y digwyddiadau a gynhelir ym Mangor a'r ymchwil a'r projectau sy'n cael eu cynnal ar hyn o bryd, ewch i'w gwefan a'u tudalen Facebook.

Gellwch hefyd gysylltu â Sefydliad Confucius:
Ffôn: 01248 388555

E-bost: confuciusinstitute@bangor.ac.uk

Cefnogaeth Iaith Saesneg

Mae'r Ganolfan Iaith Saesneg i Fyfyrwyr Tramor (ELCOS) yn darparu cyrsiau iaith Saesneg a sgiliau astudio i fyfyrwyr tramor ym Mhrifysgol Bangor a'i deuluoedd. Mae'r ganolfan yn darparu ystod lawn o ddosbarthiadau a chefnogaeth i fyfyrwyr rhyngwladol.  Am fwy o wybodaeth, ewch i’w gwefan:

Cysylltu@Bangor

Os ydych yn cael trafferth gwneud ffrindiau tra eich bod yma ym Mangor neu os ydych yn wynebu rhwystrau wrth geisio ymuno â bywyd myfyrwyr, rydym yma i helpu. Mae rhai myfyrwyr o Brifysgol Bangor yn gwirfoddoli i fod yn ffrindiau i unrhyw un sydd eisiau help i gymryd rhan mewn bywyd myfyrwyr, p'un ai bod hynny drwy glybiau a chymdeithasau, siopa, ymweld â'ch meddyg teulu neu ddim ond mynd am baned.

Am ragor o wybodaeth ynglŷn â gwneud cais am y gwasanaeth hwn, a gwybodaeth am ein gwirfoddolwyr presennol, ewch i wefan Undeb y Myfyrwyr.

Gwybodaeth Bellach

Mae Diversity UK yn canolbwyntio ar feysydd ymchwil i wella amrywiaeth a chynhwysiant ym Mhrydain.

Nod Cymdeithas Gogledd Cymru ar Integreiddio Amlddiwylliannol (NWAMI) yw creu dealltwriaeth o'r diwylliannau amrywiol sy'n bodoli yng Nghymru heddiw.

Mae gan UK CISA ganllawiau ymarferol i fyfyrwyr rhyngwladol sy'n astudio yn y DU.

Mae'r Swyddfa Gartref yn darparu gwybodaeth am fewnfudo a fisas.

Mae gan y Cyngor Prydeinig wybodaeth i fyfyrwyr rhyngwladol sy'n chwilio am gyrsiau i'w hastudio yn y DU.

Mae ymgyrch 'Tell MAMA' gan Faith Matters yn cofnodi a mesur digwyddiadau gwrth-Fwslemaidd a chefnogi cymunedau Mwslemaidd y mae troseddau casineb gwrth-Foslemaidd wedi effeithio arnynt.