Myfyrwyr Hyn a Teuluoedd

Yma ym Mangor rydym yn sylweddoli y gall myfyrwyr hŷn, neu fyfyrwyr gyda phlant, teuluoedd neu gyfrifoldebau gofal, fod ag anghenion gwahanol i rai myfyrwyr sy'n dod yma'n syth o'r ysgol ar ôl gwneud lefel A.

Rydym yn deall ei bod yn bosibl bod gennych ymrwymiadau a chyfrifoldebau eraill; y gall y ffordd rydych yn trin bywyd prifysgol, yn academaidd ac yn gymdeithasol, fod yn wahanol; eich bod wedi cael mwy o brofiad yn y ‘byd go-iawn’ efallai, ac i’ch llwybr i addysg uwch fod yn wahanol i un myfyrwyr eraill.  Oherwydd y rhesymau hyn, rydym yn cydnabod y gall eich anghenion fel myfyriwr fod yn bur unigryw ac felly rydym yn darparu ystod o wasanaethau cefnogi i sicrhau eich bod yn teimlo eich bod yn cael eich cynnwys ym mhob agwedd ar fywyd prifysgol.

Gallwch gael rhagor o wybodaeth i Fyfyrwyr Hŷn yma.

Cyngor Undeb Bangor - Cynghorwyr Myfyrwyr Hŷn a Myfyrwyr sy'n Rhieni

Cyngor Undeb Bangor yw'r corff o fewn Undeb y Myfyrwyr sy'n bodoli i drafod syniadau'n ymwneud â'i bolisïau, ymgyrchoedd a gweithgaredd gwleidyddol, syniadau'n ymwneud â'i gyfleoedd neu i ddatblygu profiad myfyrwyr ym Mangor.  Mae'n fforwm hefyd lle gall myfyrwyr Bangor ddal eu swyddogion undeb etholedig a'u cynghorwyr i gyfrif. 

Mae'r Cyngor yn cynnwys aelodau o blith y myfyrwyr sy'n cyflawni nifer o swyddogaethau arbenigol, yn cynnwys Cynghorwr Myfyrwyr Hŷn. Os oes gennych ddiddordeb dod yn Gynghorwr yn Undeb Bangor, yna mae rhagor o wybodaeth ar tudalenau wefan Undeb.